Cairo 360
السهرات في رمضان مابتخلصش، وأكيد الويك إند بيكون مولع. فيلا بينا نشوف هنسهر فين:
النهارده الخميس، “زجزاج” هيقدم حفلة غنائية في علبة ألوان. وهيكون فيها عدد من أغانيه اللي حققت نجاح كبير زي (البنت – حارب – افتح فؤادك) وغيرهم. الحفلة هتبدأ الساعة 9 مساءً.
رباعي “نهى فكري” للجاز هيقدم حفلة جاز في رووم آرت سبيس. الحفلة هتبدأ الساعة 10 مساءً.
درب 1718 هيستضيف فريق “أكاسيا“. اللي هيقدم منوعة من الأغاني عن تراث الأقصر القديم، بتوزيع جديد. بالإضافة لأغانيهم الخاصة. الحفلة هتبدأ الساعة 9:30 مساءً.
يوم الجمعة، الفنان “رامي عياش” هيقدم حفلة غنائية في خيمة الميريلاند، في فندق هيلتون هليوبوليس. الحفلة هتبدأ الساعة 9 مساءً.
الفنان “هشام عباس” هيكون موجود في خيمة الحارة في التجمع. والحفلة هتبدأ الساعة 9:30 مساءً.
في درب 1718 هيكون لنا ميعاد مع الإنشاد الصوفي، مع المنشد “محمود زين“. الحفلة هتبدأ الساعة 9:30 مساءً.
أما يوم السبت، رووم آرت سبيس هتستضيف الفنانة المغربية “سارة مولابلاد“. وهتقدم أغاني الجاز المستوحاة من اللون الكلاسيك والبرازيلي. الحفلة هتبدأ الساعة 10 مساءً.
الفنانة “عايدة الأيوبي” هتقدم حفلة غنائية على المسرح المكشوف في دار الأوبرا المصرية. الحفلة هتبدأ الساعة 9:30 مساءً.
أغاني الموال وفن الزار، هتقدمهم فرقة “تكسير شرقي” في درب 1718. الحفلة هتبدأ الساعة 9:30 مساءً.
كل ده وحفلات تانية أكتر هتلاقوها في أجندة كايرو 360 من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
