The Definitive Guide to Living in the Capital , Cairo , Egypt

كل أسبوع بتحتاج تعمل حاجة مختلفة تخليك ترجع تاني بنشاط وسعادة تكمل حياتك العادية، وده اللي بنحاول نوفره في دليل كايرو 360 الأسبوعي.

ونبدأ بالنهارده يوم الخميس، وحفلتين وراء بعض لمسرح العرائس وعرض أم كلثوم تعود من جديد على مسرح الحكمة بساقية عبد المنعم الصاوي، حفل الساعة 6 وحفل الساعة 8، وسعر التذكرة 25 جنيه.

كمان في رووم فيه ليلة جميلة من المقامات العربية مع محمد عنتر. وسعر التذكرة: 50 جنيه.

أما مركز أوزيريس فهيقدم ورشة استاندب كوميدي مع علي قنديل.

كمان مهرجان القلعة الدولي هيقدم حفلة للفنان هاني شاكر على مسرح المحكى2 وسعر التذكرة 15 جنيه.

وننتقل ليوم الجمعة، وهتلاقوا في درب 1718 رباعي نهى فكري للجاز اللي هيقدم حفلة غنائية مميزة. وسعر التذكرة: 75 جنيه.

ولو عاوزين تتعلموا حاجة جديدة ففي ورشة خط عربي في ساقية عبد المنعم الصاوي مع أشرف سعدون، وسعر الاشتراك 150 جنيه.

ولعشاق الفلك فيه ندوة من ضمن سلسلة علم الفلك بعنوان الفلك عند الفراعنة والثقوب السوداء في قاعة الكلمة في ساقية عبد المنعم الصاوي، والدعوة عامة.

كمان في مهرجان القلعة الدولي فيه حلفة فرقة فؤاد ومنيب على مسرح المحكى1 وحفلة الفنانة غالية بن علي على مسرح المحكى2، وسعر التذكرة 15 جنيه.

ونختم بيوم السبت، وحفل ميدو بشير على مسرح الحكمة في ساقية عبد المنعم الصاوي، وسعر التذكرة 40 جنيه.

أما مركز الربع فهيستضيف حفلة بتجمع توليفة من الفنانين والمبدعين في الشعر والغنا.

كمان في مهرجان القلعة الدولي في حفلة للفنانة نسمة عبد العزيز في قاعة المحكى1، وحفل للفنان علي الحجار في قاعة المحكى 2، وسعر التذكرة 15 جنيه.

ولعشاق السينما روحوا مركز سيماتك هيعرض فيلم The Exiles.

لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.

ويك إند سعيد!