دليلك لويك إند سعيد: عرض التنورة وأوركسترا القاهرة السيمفوني وأنشطة أكتر
Cairo 360
تعالوا نعرف أجندة كايرو 360 فيها إيه للويك إند ده!
نبدأ بالنهارده يوم الخميس، وهتستضيف مساحة رووم، فريق جيبسي جاز بروجيكت، في ليلة مميزة من موسيقى الجاز. وسعر التذكرة: 50 جنيه.
كمان هتقدم فرقة كايرو جيتار كوليكتيف، حفل موسيقي على المسرح الصغير بدار الأوبرا المصرية. وسعر التذكرة: 25 جنيه.
وعشاق المسرح هيستمتعوا بعرض فرقة “ربع طاير”، واللي هيقدموا عرض مسرحي بعنوان “المزرعة السعيدة”، على مسرح مكتبة مصر الجديدة.
برضه فرقة المولوية المصرية، عاملة حفل إنشاد ديني وتنورة، على مسرح النهر بساقية الصاوي. وسعر التذكرة: 45 – 50 جنيه.
وننتقل ليوم الجمعة، وعرض مميز من أوركسترا القاهرة السيمفوني، في حفلها الموسيقي على المسرح الكبير، بدار الأوبرا المصرية. وسعر التذكرة: 25 – 35 – 50 جنيه.
كمان هتستضيف مساحة رووم فريق “بارانويد آيز”، في ليلة من أغاني فريق بينك فلويد. وسعر التذكرة: 50 جنيه.
ولكل المتشوقين لبداية الشهر الكريم واستقبال رمضان، هيستضيف شارع المعز احتفال خاص بـ (ليلة الرؤية). وعرض فنى لفرقة رسالة سلام الدولية، وفرقة المرعشلى السورية.
يوم السبت هيكون أول يوم رمضان كل سنة وأنتم طيبين ويا رب يكون كل يوم بداية جديدة لاستمتاع بسكينة وبركة الشهر الكريم. ممكن تقضوا اليوم في متابة مقالاتنا الخدمية زي موضوع أحسن 10 مسلسلات لازم تتفرج عليهم في رمضان، واللي هيريحك من حيرة الأختيار، وموضوع عن تفاصيل البرامج الدينية في رمضان.
أما لو محتار تشتري الفانوس منين فما يفوتكش موضوعنا عن أسعار وأشكال الفوانيس من جنب السيدة زينب هنا، ومانسيناش البنات وحيرتهم في شراء عباية مناسبة للتروايح وتقدروا تشوفوه هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
