The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: اعرفوا أجمد الحفلات اللي هتحصل في القاهرة

دليلك لويك إند سعيد: اعرفوا أجمد الحفلات اللي هتحصل في القاهرة
بواسطة
Cairo 360

يوم وراء يوم العمر بيجري ما بيستناش الناس تدرك السنين اللي عدت قدامهم من غير ما يعملوا اللي بيحبوه، ولأن دايرة الحياة بتسرق العمر، فبتحتاج وقت تفصل وتعمل حاجة مختلفة تخليك قادر تكتشف الحاجات اللي أنت بتحبها والحاجات اللي ما ينفعش تكمل باقي عمرك بيها. وده هدف من أهداف دليلك لويك إند سعيد أنك تستمتع بوقتك وتكتشف الحاجات اللي بتحبها.

نبدأ بالنهارده يوم الخميس، والساقية فيها حفلتين واحدة لفرقة نغم مصري في قاعة النهر، وسعر التذكرة 50 جنيه لغير أعضاء الساقية 45 جنيه للأعضاء. أما في قاعة الحكمة ففيه حفل مسرح عرائس الساقية اللي هيعرض حفل الفنان عبد الحليم حافظ، وسعر التذكرة 20 جنيه.

 

 

كمان فيه حفل غنائي لدنيا وعازف الجيتار بشر في رووم أرت سبيس، وسعر تذكرة الحضور 50 جنيه.

أما مركز المصطبة للموسيقى الشعبية فهيستضيف حفل لفرقة الجركن البدوية من سيناء للقاء جمهورها من القاهرة واللي بتقدم على مسرح الضمة فنونها المتميزة من غناء ورقص وعزف، وسعر التذكرة 30 جنيه.

وننتقل ليوم الجمعة، وعرض سحر خاص للفنان عمرو خالد في علبة ألوان في الزمالك وسعر التذكرة 60 جنيه.

كمان درب 1718 هيقدم ورشة في إعادة تدوير الحلي والإكسسوارات. وسعر الورشة: 250 جنيه.

ولعشاق الموسيقى رووم بتدعوكم لحضور أول  حفل بيجمع نور خان، شريف الشاذلي وشيڤا. وسعر التذكرة: 50 جنيه.

كمان المغني المعروف آدم ميلر اللي بيغني في الولايات المتحدة الأمريكية، هيقيم  حفل في علبة ألوان بالزمالك، وسعر التذكرة 75 جنيه.

 

 

ونختم بيوم السبت، وحفل كايروكي في ساقية عبد المنعم الصاوي في قاعة النهر، وسعر تذكرة الحفل 70 جنيه.

أما في مهرجان القــلعــــــة للموسيقى والغناء الـ 26 بمحكي قلعة صلاح الدين واللي بترعاه دار الأوبرا المصرية، واللي هيكون فيها حفلات مختلفة كل يوم ومنها حفل محمد الحلو وفرقته، وسعر التذكرة 5 جنيه.

برضه أسرار باند هتقدم حفلة غنائية، في رووم آرت سبيس. سعر التذكرة: 50 جنيه.

ولعشاق السينما، استديو ذات عامل ورشة في النقد السينمائي، بيقدمها الناقد أحمد شوقي. وسعر الورشة: 1500 جنيه.

لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.

ويك إند سعيد!

مقترح