دليلك لويك إند سعيد: اعرفوا أجمد حفلات الويك إند في القاهرة
جرامافون حفلات القاهرة خروجات القاهرة دار الأوبرا المصرية دليل خروجات الويك إند دليلك لويك إند سعيد ساقية عبد المنعم الصاوي مسرح الساقية للعرائس مسرح الضمة
Cairo 360
كل أسبوع بنحاول في كايرو360 نوفر لكم أكثر أحداث شيقة ومختلفة، علشان تساعدكم تستمتعوا بأجازتكم وتجربوا حاجة جديدة، تعالوا نعرف إيه أجمد الأحداث اللي هتحصل في القاهرة الويك إند ده.
نبدأ بالنهارده الخميس، وفرقة الطنبورة البورسعيدية هتقدم حفلة غنائية، على مسرح الضمة في عابدين. سعر التذكرة: 40 جنيه.
كمان فريق كعب داير هيقدم حفلة موسيقية في جرامافون.
ولعشاق الموسيقى العالية ففيه حفل غنائي غربي لفرقة ستروبري سوينج على المسرح المكشوف بدار الأوبرا المصرية.
برضه فيه حفلتين وراء بعض على مسرح عرائس الساقية وعرض أم كلثوم تعود من جديد على مسرح النهر، أول عرض الساعة 6 وثاني عرض الساعة 8، وسعر التذكرة 25 جنيه.
ننتقل ليوم الجمعة، ولو عاوزين تفصلوا من دوشة العالم، روحوا جرامافون في المعادي واللي هتستضيف حفلة مزيكا وشاي، مع أبو زيد وأصحابه.
كمان هتلاقوا حفل لهشام خرما على المسرح المكشوف بدار الأوبرا المصرية.
أما رووم آرت سبيس فهتستضيف حفلة غنائية لهنا عفيفي والفرقة. وسعر التذكرة: 50 جنيه.
برضه فيه حفل لفرقة بساطة على مسرح الحكمة في ساقية عبد المنعم الصاوي، وسعر التذكرة 50 جنيه.
ونختم بيوم السبت، وداليا فريد هتقدم حفلة غنائية في رووم أرت سبيس. وسعر التذكرة: 50 جنيه.
كمان فيه حفل فرقة أوركسترا القاهرة السيمفوني على المسرح الصغير بدار الأوبرا المصرية.
برضه فيه حفل باليه لابايادير مع فرقة باليه أوبرا القاهرة على المسرح الكبير بدار الأوبرا المصرية.
لكن لو عاوزين تسمعوا نغم شرقي بجد ففرقة الأولة بلدي هتقدم حفلة غنائية في جرامافون.
لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
