دليلك لويك إند سعيد: اعرفوا أحلى الحفلات والعروض الفنية في القاهرة
أغاني إنشاد الساقية تخرج فين؟ حفلات دليل الخروجات رووم علي قنديل عمرو حسن مسرح مسرح الضمة ويك إند ويك إند سعيد
Cairo 360
كل أسبوع بنحاول نوفر لكم الأحداث الجديدة في القاهرة، ومن النهارده ولحد يوم السبت العاصمة فيها حفلات وعروض فنية كتيرة.. تقدروا تعرفوها كلها من أجندة كايرو 360.
نبدأ بالنهارده يوم الخميس، وفرقة نوبانور هتقدم أغاني التراث على مسرح الضمة في عابدين. وسعر التذكرة: 40 جنيه.
أما في الربع فالشيخ محمود الحديوي هيقدم حفلة مدح وإنشاد. وسعر التذكرة: 35 جنيه.
برضه في رووم فرقة جاز بروجيكت هتقدم موسيقى الجيبسي جاز. وسعر التذكرة: 75 جنيه.
ولو عاوزين تشدوا الفيشة وتفصلوا من أحزانكم، ففيه حفل الفنان والكومديان علي قنديل على مسرح قاعة النهر في ساقية عبد المنعم الصاوي، وسعر التذكرة: 50 جنيه.
وننتقل ليوم الجمعة، وهتلاقوا في رووم حفل لمنى بوركهارد ولاس إنكانتادوراس أوركويستا. وسعر التذكرة: 75 جنيه.
برضه على مسرح الضمة فيه حفلة غنائية لفرقة قدال ميريل. وسعر التذكرة: 40 جنيه.
كمان فرقة بارانويد آيز هتقدم حفلة غنائية في درب 1718. وسعر التذكرة: 75 جنيه.
ولعشاق الشعر فيه حفلتين للشاعر والفنان عمرو حسن على مسرح قاعة النهر بساقية عبد المنعم الصاوي، وأسعار التذاكر: تبدأ من 50 لـ 120 جنيه.
ونختم بيوم السبت، وحفل فرقة الحضرة على مسرح النهر في ساقية عبد المنعم الصاوي، وسعر التذكرة: 75 جنيه.
كمان فرقة فلامنكا هتقدم حفلة غنائية في الربع. وسعر التذكرة: 50 جنيه.
برضه رووم بتدعوكم لحضور ليلة موسيقية متميزة مع فرقة تكسير شرقي. وسعر التذكرة: 75 جنيه.
ولعشاق الكتب استعدوا علشان فيه معرض الساقية لعرض الكتب والندوات وحفلات التوقيع في قاعة الأرض والكلمة والحديقة في ساقية عبد المنعم الصاوي، والدعوة عامة.
لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
