The Definitive Guide to Living in the Capital , Cairo , Egypt

حفلات كتير أشكال وألوان الأسبوع ده.. يلا نشوف هنسهر فين:

النهارده رووم آرت سبيس هتستضيف “فاطمة عادل” وفرقتها الغنائية. اللي هتقدم أغاني الفلكلور والسيرة الهلالية. الحفلة هتبدأ الساعة 8 مساءً.

استمتعوا بوصلة من الحكاوي الشيقة، مع الفنان “سيد رجب“. على مسرح قاعة إيوارت في مركز التحرير الثقافي. الأمسية هتبدأ الساعة 9 مساءً.

مؤلف الأغاني الإيطالي “جيوفاني كاكامو” هيقدم حفلة في ساقية الصاوي. وهيكون معاه الملحن أحمد نظمي. الحفلة هتبدأ الساعة 8 مساءً.

يوم الجمعة، الفنان “علي الحجار” هيقدم حفلة غنائية في مركز التحرير الثقافي، في الجامعة الأمريكية. الحفلة هتبدأ الساعة 8 مساءً.

حديقة الميريلاند في مصر الجديدة هيكون فيها حفلة غنائية للفنان “مصطفى حجاج“. الحفلة هتبدأ الساعة 6 مساءً.

أجمل أغاني الجاز هنسمعها من الفنان “مصطفى رزق” وفرقته “الونسة” في درب 1718. الحفلة هتبدأ الساعة 8 مساءً.

أما يوم السبت، كايرو جاز كلوب هيكون فيه حفلة “In Harmony“. اللي هتجمع (لينا نايبرج – تانيا صالح – نوران أبو طالب). الحفلة هتبدأ الساعة 10:30 مساءً.

“داليا فريد” هتقدم أغاني ألبومها (مملكة القلب) في درب 1718. وكمان هتقدم أغاني مختلفة مع فرقتها. الحفلة هتبدأ الساعة 8 مساءً.

رووم آرت سبيس هيكون فيها عرض موسيقي بصري، هتقدمه “رولا زيادة“. الحفلة هتبدأ الساعة 9 مساءً.

كل ده وحفلات تانية أكتر هتلاقوها في أجندة كايرو 360 من هنا.