دليلك لويك إند سعيد: بلاك تيما والمولوية المصرية ومحمد حماقي وحفلات أكتر في القاهرة
Cairo 360
الإنسان مش بالأيام اللي بيعيشها بقدر ما هو بقيمة الحاجات اللي اتعلمها والخبرات اللي خاضها في حياته، والأفكار والتجارب اللي اتعرف عليها، وإحنا كل يوم بنحاول نفتح لكم باب لتجربة ثقافية أو فنية تلهمكم.. تعالوا نتعرف على أفكار جديدة ممكن تعملوها في الويك إند ده.
نبدأ بالنهارده يوم الخميس، وحفل لفرقة بلاك تيما على مسرح النهر في ساقية عبد المنعم الصاوي، وسعر التذكرة 70 جنيه.
ومحبي الجاز يستعدوا لفريق شادي القصير اللي هيقدم حفلة موسيقية في رووم آرت سبيس. وسعر التذكرة: 50 جنيه.
كمان فريق الحزب الكوميدي هيقدم عرض استاند أب كوميدي في علبة ألوان. وسعر التذكرة: 100 جنيه.
برضه النجم محمد حماقي هيحيي حفلة غنائية في الحديقة الصينية.
وننتقل ليوم الجمعة، ورووم بتدعوكم لحضور ليلة جميلة من أغاني بينك فلويد مع فريق “بارانويد آيز”. وسعر التذكرة: 50 جنيه.
كمان في رووم فيه حفلة دايرة الطبول، مع الفنانة آسيا مدني، على المركب. وسعر التذكرة: 120 جنيه.
ده غير حفل فرقة المولوية المصرية مع الفنان عامر التوني على مسرح الجمهورية. وأسعار التذاكر 50 -75 جنيه.
ولعشاق الطرب الأصيل فيه حفل فرقة أنغام الشرق مع إبراهيم فاروق في معهد الموسيقى العربية، وسعر التذكرة 50 جنيه.
ونختم بيوم السبت، وحفلتين لفرقة مسار إجباري في قاعة النهر في ساقية عبد المنعم الصاوي، وسعر التذكرة 75 جنيه.
برضه علبة ألوان هتستضيف حفلة موسيقية، هتحييها ياسمين البرماوي وشادي القصير. سعر التذكرة: 100 جنيه.
كمان فرقة إيجيبادور هتقدم حفلة غنائية في رووم. سعر التذكرة: 50 جنيه.
ولعشاق الأفلام مساحة مجنوليا في الزمالك، هتعرض فيلم “I Am Heath Ledger”. وسعر التذكرة: 25 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
