The Definitive Guide to Living in the Capital , Cairo , Egypt

عارفين يعني إيه ويك إند جديد مع كايرو 360؟ يعني حفلات وسهرات ومسرحيات وفنون القاهرة كلها بين إيديك.. ما تيجوا نشوف:

النهارده الخميس.. لو كنتم من عشاق المسرح وبتحبوا تتفرجوا على العروض والفنون المسرحية، يبقى النهارده يومكم، لإن النهارده في القاهرة في 5 عروض لـ 5 مسرحيات مختلفة، هتبدأ بمسرحية “الملك لير” للفنان يحي الفخراني، ومسرحية “المتفائل” للفنانين سامح حسين وسهر الصايغ، ومسرحية “تشارلي ومصنع الشوكولاتة” والعرض المسرحي “وجد” وأخيراً مسرحية “كولوريتو“.

أما لو كنتم من محبي الفن الأصيل، فالساعة 7 مسرح الساقية للعرائس هيقدم النهارده حفلة بالعرائس لموسيقار الأجيال “محمد عبدالوهاب” على مسرح قاعة الحكمة في الساقية. سعر التذكرة: 37 جنيه. 

مبادرة “سؤال” بتدعوكم النهارده الساعة 7 بالليل لحضور عرض ومناقشة فيلم “Who is God”  أحد أفلام سلسلة “The Story of God”. الحضور مجانًا.

يوم الجمعة.. السوبر ستار “تامر حسني” هيقدم حفلته الجديدة في فندق “الماسة” في مدينة العالمين الجديدة من الساعة 6 لحد 12 بالليل.”

لو عايزين تفضلوا في القاهرة يبقى ممكن نسهر في “درب 1718” لإن هيكون ضمن البرنامج الموسيقي الشهري بتاعهم النهارده “دعسوقة” باند. سعر التذكرة:100 جنيه. 

في حفلات مهرجان القلعة الدولى للموسيقى والغناء النهارده هيكون معانا الفنانة “نسمة عبدالعزيز” في حفلة موسيقية فريدة.

يوم السبت.. Excellence fashion and more هينظموا يوم ترفيهي نوبي وورش عمل للأطفال والكبار في مدينة نصر باشتراك 100 جنيه للاطفال و75 جنيه للكبار.

أما السهرة فهتكون في درب 1718 مع “تكسير شرقي” باند لو عاوز تسمع موسيقى الجزور المصرية. التذكرة سعرها 100 جنيه، والحفلة هتبدأ الساعة 8:30.

الجريك كامبس هيستضيف حفلة “نجوم المهرجان” فيجو و فيلو و اسلام شيبسي. الدخول بالدعوات بس ولفوق 21 سنة. 

ماتنسوش إن لسه في أحداث أكتر، وفعاليات أكتر، والويك إند لسه في بدايته.. لو عايزين تشوفوا أكتر وتعرفوا أكتر، إدخلوا هنا.