دليلك لويك إند سعيد: حفلات روك وجاز ومعرض للكتب ومهرجان القلعة علشان تستمتع بأجازة مميزة
Cairo 360
الصيف بدأ يشد حيله في شهر 8 وما بين السفر لأماكن مختلفة ومحاولة الاستمتاع في الصيف، لسه فيه أماكن جميلة في القاهرة وأحداث مختلفة مستنايكم تكتشفوها.
نبدأ بالنهارده يوم الخميس، وفرقة الرانجو هتقدم أغاني التراث السوداني، على مسرح الضمة في عابدين. سعر التذكرة: 30 جنيه.
أما رووم آرت سبيس في جاردن سيتي، فهيستضيفوا مشروع كركدن الغنائي. وسعر التذكرة: 50 جنيه.
أما لمحبي الجاز ففنان الجاز “إلياس سابيلا” هيقدم حفلة غنائية، في علبة ألوان في الزمالك. وسعر التذكرة: 75 جنيه.
ولعشاق الكتب الساقية عاملة لكم معرض للكتاب هيحضر فيه مكتبات كتيرة وبأسعار في متناول جميع الكتبجية، هيكون فيه معرض للكتاب مع فعاليات تانية زي ورش عمل، وحفلات توقيع، ومنوعات تانية كتير.
وننتقل ليوم الجمعة، هتلاقوا حفل الفنان مصطفى رزق في ساقية عبد المنعم الصاوي في قاعة الحكمة، وسعر التذكرة 45 جنيه، ومعروف أن الفنان بيقدم أغاني البلوز والجاز بأسلوبه الخاص.
كمان فريق بارانويد أيز، هيحيي حفلة غنائية في رووم آرت سبيس. وسعر التذكرة: 50 جنيه.
أما علبة ألوان في الزمالك، فهتستضيف حفلة مديح وإنشاد. هيحييها مشروع صليب صوفي. وسعر التذكرة: 75 جنيه.
أما لمحبي أغاني بينك فلويد، فهتقدمها فرقة الروك “Paranoid Eyes”، في رووم آرت سبيس. سعر التذكرة: 50 جنيه.
ونختم بيوم السبت، مع بداية مهرجان القــلعــــــة للموسيقى والغناء الـ 26 بمحكي قلعة صلاح الدين واللي بترعاه دار الأوبرا المصرية، واللي هيكون فيها حفلات مختلفة كل يوم، وسعر التذكرة 5 جنيه.
لكن لو عاوزين تجربوا حاجة مختلفة، فريق سودان رووتس هيحيي حفلة غنائية، في رووم آرت سبيس في جاردن سيتي. سعر التذكرة: 50 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.
ويك إند سعيد!
مقترح
معالم وسياحة
90 دقيقة من القاهرة.. أجمل 7 أماكن في الفيوم هيغيروا موودك
أجمل أماكن الفيوم الفيوم +4
تسوق
