The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: حفلات فنية على مزاجك في القاهرة

أحمد أمين القاهرة الويك إند حفلات خروجات سينما مسرح ورشة الفخار ورشة رسم ويك إند سعيد
دليلك لويك إند سعيد: حفلات فنية على مزاجك في القاهرة
بواسطة
Cairo 360

كل أسبوع بداية جديدة أنك تجرب حاجة ماعملتهاش قبل كده ممكن بحضور حفلة للون مختلف من الموسيقى أو ورشة تتعلم فيها حاجة ماتعرفهاش أو مجرد غدوة في مطعم جميل مع العود. المهم أنك تختار تعمل حاجة تستمتع فيها بوقتك وترجع بكامل نشاطك أول الأسبوع.

نبدأ بالنهارده يوم الخميس، وفرقة الوزيري الاسمعلاوية هتقدم حفلة موسيقية، على مسرح الضمة في عابدين. وسعر التذكرة: 40 جنيه.

كمان فيه حفل فرقة المولوية المصرية على مسرح الحكمة بساقية عبد المنعم الصاوي، وسعر التذكرة 50 جنيه.

برضه فيه حفل الفنانة نسمة عبد العزيز وفرقتها على المسرح المكشوف بدار الأوبرا المصرية.

ولعشاق المسرح، مسرح وساحة روابط للفنون هيستضيف عرض مسرحية كان راجل طيب الله يرحمه. سعر التذكرة: 50 جنيه.

وننتقل ليوم الجمعة، ولو عاوزين تتعلموا حاجة جديدة فمركز جليليو في المهندسين عامل ورشة لتعليم رسم الكوميكس.

كمان لعشاق الرسم هتلاقوا في  الورشة خانة دورة  لتعليم الرسم على البورسلين.

ولعشاق الفن المختلف فيه حفل الفنان السوداني أحمد أمين على مسرح الحكمة بساقية عبد المنعم الصاوي، وسعر التذكرة 50 جنيه.

برضه فرقة تواشيح السورية بتدعوكم لحضور حفلها في مركز الربع الثقافي. وسعر التذكر: 25 جنيه.

ونختم بيوم السبت، وجربوا حاجة مختلفة تمامًا في مركز درب 1718  اللي عامل ورشة لتعليم صناعة الفخار للمبتدئين.

وبرضه في نفس المكان فيه ورشة المعافاة النفسية باستخدام الحدس الإبداعي والأداء الفني. وسعر الاشتراك: 150 جنيه.

أما رووم فبتدعوكم لحضور ليلة ريترو مع إنسچام. وسعر التذكرة: 50 جنيه.

كمان سينما نون في دوار هتعرض فيلم الخوف. والدخول مجاني.

لو عاوزين تعرفوا أكثر عن الأحداث اللي بننشرها كل يوم تابعوا أجندتنا.

مقترح