The Definitive Guide to Living in the Capital , Cairo , Egypt

القاهرة مليانة حفلات وأنشطة فنية وثقافية، جمعنا لكم أهم الأحداث اللي هتحصل في الويك إند ده.. تعالوا نعرفها مع بعض.

 

نبدأ بالنهارده يوم الخميس، ورووم هتستضيف “جيبسي جاز بروجيكت”، أول فريق بيقدم جيبسي جاز في مصر. سعر التذكرة: 50 جنيه.

كمان مسرح العرائس في ساقية عبد المنعم الصاوي هيقدم حفل الفنان عبد الحليم حافظ على مسرح الحكمة، وسعر التذكرة 20 جنيه.

أما مساحة مجنوليا في الزمالك، فهتستضيف حفلة لأغاني الفنانة داليدا. الدخول مجانًا.

برضه في أضف هيكون فيه سهرة على أنغام الجيتار، مع معتز محسن وعبد الله مرسي. الدخول مجانًا.

 

وننتقل ليوم الجمعة، ولعشاق السينما هيكون فيه في بلكون هوليوبوليس في مصر الجديدة، هتعرض فيلم “The Beguiled”. سعر التذكرة: 30 جنيه.

كمان مشروع السلم وأوسو باند، هيحيوا حفلة غنائية في مدار. سعر التذكرة: 30 جنيه.

برضه  هيكون فيه حفل لفرقة بلاك تيما في ساقية عبد المنعم الصاوي في مسرح النهر، وسعر التذكرة 70 جنيه.

ونختم بيوم السبت، وسينما مجنوليا في الزمالك، هتعرض فيلم “Yi Yi” والدخول مجانًا.

كمان فيه سهرة مع أغاني الروك والبلوز، هيحييها فريق “هوتميس” في مدار. وسعر التذكرة: 50 جنيه.

لو عاوزين تعرفوا أكثر عن أحداثنا اللي بننشرها كل يوم على مدار الشهر تابعوا أجندتنا.

ويك إند سعيد!