The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: حفلات لـ “دعسوقة” و”إسكندريلا” وأنشطة أكتر هتحصل في القاهرة

دليلك لويك إند سعيد: حفلات لـ “دعسوقة” و”إسكندريلا” وأنشطة أكتر هتحصل في القاهرة
بواسطة
Cairo 360

كل يوم بيمر من غير ما تجرب حاجة تسعدك ماتحسبهوش من عمرك، اكتشف أنواع موسيقى جددة واستمتع بأجازتك على قد ما تقدر، وعلشان تعمل ده كويس تابع أجندة كايرو 360 اللي بننشر عليها كل جديد ومختلف.. تعالوا نعرف مع بعض أهم الأحداث الفنية والثقافية اللي هتحصل في القاهرة في الويك إند.

ونبدأ بالنهارده يوم الخميس، وفرقة دراويش أبو الغيط، هتقدم زار أبو الغيط على مسرح الضمة. وسعر التذكرة: 30 جنيه.

كمان مركز دا هاوس في الدقي هيستضيف المطربة شيرين عبده، في حفلة غنائية. سعر التذكرة: 50 جنيه.

برضه روووم هتستضيف حفلة غنائية لفريق دعسوقة. وسعر التذكرة: 50 جنيه.

أما علبة ألوان فهتستضيف حفلة غنائية، هيحييها حسن رمزي وخالد العجاتي. سعر التذكرة: 100 جنيه.

نروح ليوم الجمعة، حفل فرقة إسكندريلا في قاعة الحكمة في ساقية عبد المنعم الصاوي، وسعر التذكرة 50 جنيه.

كمان رووم بتدعوكم لحضور ليلة جميلة من المقامات العربية، مع عازف الناي محمد عنتر. وسعر التذكرة: 50 جنيه.

برضه الفنانة نور خان هتقدم حفلة غنائية في علبة ألوان. وسعر التذكرة: 100 جنيه.

أما في مساحة باب 18 في مصر الجديدة، هتستضيف حفلة غنائية للفنانة هانيا فنصة. وسعر التذكرة: 60 جنيه.

ونختم بيوم السبت، وحفل مختلف مليان أغاني الكريسماس مع فرقة داليا فريد في قاعة الحكمة في ساقية عبد المنعم الصاوي، وأسعار التذاكر بتبدأ من 25 جنيه.

واللي عاوزين يتعلموا حاجة جديدة مركز الربع الثقافي عامل ورشة لتعليم العود للمبتدئين. وسعر الورشة: 750 جنيه.

أما في ييلو أمبريلا في المعادي هتستضيف حفلة الكريسماس. وهيحييها: عليا خالد – أمير زركاني – ليلى أدهم.

كمان مساحة باب 18 هتستضيف حفلة كاريوكي على البيانو. مع البيانيست أحمد رضوان.

لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.

ويك إند سعيد وسنة سعيدة!

مقترح