The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: حفل بلاك تيما والرانجو وإسكندريلا وعرض الليلة الكبيرة

دليلك لويك إند سعيد: حفل بلاك تيما والرانجو وإسكندريلا وعرض الليلة الكبيرة
بواسطة
Cairo 360

كل يوم فرصة جديدة أنك تكون ذكريات جديدة جميلة مع اللي بتحبهم، لما تفتكرها تنبسط وتهون عليك الأيام الحزينة، وده اللي بنحاول نوفره لك من خلال أجندة أحداث #كايرو_360 اللي بتعرض أشكال مختلفة للاستمتاع والاستفادة بالوقت بحاجة مختلفة.

ونبدأ بالنهارده الخميس، وهتلاقوا حفل غنائي لـ  فرقة الرانجو بإطلالتها الجديدة، على مسرح الضمة بعابدين. وسعر التذكرة: 30 جنيه. كمان في باب 18 للفنون بمصر الجديدة،  فيه حفل غنائي تحييه فرقه شهيرة كمال. وسعر التذكرة: 40 جنيه. ولمحبي الموسيقى الهادية الموسيقار يحيى خليل،  عامل حفل موسيقي على المسرح الصغير بدار الأوبرا المصرية. وسعر التذكرة: 75 جنيه.  أما في مركز ييلو أمبريلا بالمعادي، هتلاقوا حفل غنائي يحييه الفنان “حسن رمزي”. وسعر التذكرة:50 جنيه.

ونروح على يوم الجمعة، وحفل غنائي لفريق بلاك تيما، على مسرح النهر بساقية الصاوي. وسعر التذكرة: 50 جنيه. برضه فرقة اسكندريلا عاملة حفل غنائي على مسرح الحكمة بساقية الصاوي. وسعر التذكرة: 45 جنيه. كمان الفنان “هاني مست”  له حفل غنائي، في رووم آرت سبيس بالزمالك. سعر التذكرة: 50 جنيه. ومن تاني هيتم عرض حفلتين وراء بعض لفيلم “20 سبتمبر” في ساحة علبة ألوان بالزمالك. المعروف باسم هدية من الماضي. وسعر التذكرة: 50 جنيه.

ونختم بيوم السبت، واستمتع بفرقة فابريكا  في عرض “الليلة الكبيرة”، على مسرح النهر بساقية الصاوي. وسعر التذكرة: 50 جنيه. برضه فرقة “وصلة سماع” عاملة حفل إنشاد ديني، على مسرح الحكمة بساقية الصاوي. وسعر التذكرة: 25 جنيه. كمان مساحة روووم بالزمالك، فيها حفل غنائي لفريق “Nomades” بقيادة فلورينت كورنيل. سعر التذكرة: 50 جنيه. ونختم بالعرض التفاعلي مع الجمهور “The Killer” في علبة ألوان بالزمالك. وسعر التذكرة: 60 جنيه.

ويك إند سعيد!

مقترح