The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: خدها “كعب داير” واشرب “كركديه” وأنت بتتفرج على “الحضرة”

دليلك لويك إند سعيد: خدها “كعب داير” واشرب “كركديه” وأنت بتتفرج على “الحضرة”
بواسطة
Cairo 360

كل لحظة من الحياة بتعدي مش بتتكرر تاني، والشطارة إن الإنسان يستمتع بكل لحظة في حياته ويتعلم من خبراته والتجارب الجديدة اللي بيتعرف عليها، ويتعلم إزاي يستمتع بحياته ويفصل من روتين الحياة اليومية.. تعالوا نتعرف على أهم الأحداث اللي هتحصل في الويك إند ده.

نبدأ بالنهارده الخميس، واللي فيه حفل الفنان مصطفى أمين في قاعة النهر في ساقية عبد المنعم الصاوي، وسعر التذكرة 40 جنيه.

كمان  مسرح الضمة في عابدين، هيستضيف حفلة غنائية لفرقة الوزيري الإسمعالاوية. وسعر التذكرة: 30 جنيه.

ولو عاوزين تجربوا حاجة مختلفة فريق State Of Harmony هيقدم حفلة موسيقية في درب 1718. وسعر التذكرة: 50 جنيه.

برضه فريق كعب داير هيقدم حفلة موسيقية في علبة ألوان. سعر التذكرة: 75 جنيه.

وننتقل ليوم الجمعة، وفيه حفلتين مختلفين في ساقية عبد المنعم الصاوي، الأولى هي حفلة منيب باند في قاعة الحكمة في ساقية عبد المنعم الصاوي، وسعر التذكرة 35 جنيه. وبرضه حفلة فرقة الحضرة في قاعة النهر في ساقية عبد المنعم الصاوي، وسعر التذكرة 50 جنيه.

أما بلكون هليوبوليس في مصر الجديدة، فهتعرض فيلم “Neruda” وسعر التذكرة: 25 جنيه.

كمان جرامافون في المعادي، هتستضيف يوم نوبي، مع حفلة غنائية لفريق “كروما باند”. سعر التذكرة: 30 جنيه.

ونختم بيوم السبت، وحفل فرقة الخان في قاعة الحكمة في ساقية عبد المنعم الصاوي، وسعر التذكرة 30 جنيه.

كمان فرقة كركديه، بقيادة محمد أبو ذكري، هتحيي حفلة غنائية على مسرح الجنينة. وسعر التذكرة: 35 جنيه.

برضه رووم آرت سبيس هتستضيف حفلة لفرقة فاطمة عادل. وسعر التذكرة: 50 جنيه.

مقترح