The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: “عمر خيرت و”مزامير النيل” و”فرقة الحضرة” وحفلات أكتر في القاهرة

أفرونوبيا الويك إند حفلات القاهرة خروجات القاهرة زين محمود ساقية الصاوي علي الهلباوي عمر خيرت فرقة الحرافيش فرقة الحضرة مزامير النيل ورش خزف
دليلك لويك إند سعيد: “عمر خيرت و”مزامير النيل” و”فرقة الحضرة” وحفلات أكتر في القاهرة
بواسطة
Cairo 360

كل أسبوع بنحاول نوفر لكم كل الأحداث اللي تخليكم تستمعوا بويك إند مميز وسعيد تجربوا فيه حاجات جديدة.

نبدأ بالنهارده يوم الخميس، وحفل الفنان الكبير عمر خيرت ورمزي يسي على مسرح الساقية بطريق مصر إسكندرية الصحراوي، وأسعار التذاكر تبدأ من 250 جنيه.

كمان عندك حفل الفنان وائل الفشني على مسرح قاعة الحكمة بساقية عبد المنعم الصاوي، وأسعار التذاكر تبدأ من 60 جنيه.

برضه فرقة مزامير النيل هتقدم حفلة غنائية على مسرح الضمة. وسعر التذكرة: 40 جنيه.

أما لو عاوز تجرب حاجة مختلفة ففيه حفل لفرقة الحرافيش مع عماد عبدالعزيز في معهد الموسيقى العربية.

وننتقل ليوم الجمعة، وحفل إنشاد للفنان علي الهلباوي على مسرح قاعة النهر بساقية عبد المنعم الصاوي، وسعر التذكرة 60 جنيه.

برضه فيه  حفل فرقة الحضرة على مسرح الجمهورية. وأسعار التذاكر 50 و75 جنيه.

أما رووم فهتستضيف فريق راندوم كونترول من النمسا. وسعر التذكرة: 75 جنيه.

كمان هتلاقوا في مركز درب 1718 حفلة لفريق توم توم باند. وسعر التذكرة: 60 جنيه.

ونخام بيوم السبت، وحفل فرقة أفرونوبيا على مسرح النهر بساقية عبدالمنعم الصاوي، وسعر التذكرة 40 جنيه.

أما رووم فهتستضيف الفريق الياباني عائلة أوكابي.و سعر التذكرة: 75 جنيه.

كمان فيه حفل الشيخ زين محمود على مسرح الجمهورية وسعر التذاكر 25 و35 جنيه.

ولو عاوزين تعملوا حاجة بإيديكم فمركز درب 1718 عامل ورشة تعليم الخزف للمبتدئين.

لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.

ويك إند سعيد!

مقترح