The Definitive Guide to Living in the Capital , Cairo , Egypt

ما بين روتين الشغل والدراسة بنحتاج من فترة للتانية نجرب حاجة حلوة جديدة، وده اللي بيكون متوفر بشكل يومي في أجندة #كايرو_360 وبنحاول نوفره بشكل مكثف في مقالنا الأسبوعي دليلك لويك إند سعيد. 

نبدأ بالنهارده الخميس، وهتلاقوا النهارده في مركز أوزيريس حفل غنائي لفرقة “صحبة سمسية” البورسعيدية. وهتقدم الفرقة مجموعة من الأغاني علي أنغام السمسية، وسعر التذكرة: 35 جنيه. كمان فرقة الوزيري الاسمعالوية عاملة حفل غنائي على مسرح الضمة بعابدين. سعر التذكرة: 30 جنيه. أما في مركز الربع فمجموعة برهان للإنشاد الصوفي والمدح النبوي، هتحتفل  بظهورها الأولى في مركز الربع الثقافي، وسعر التذكرة: 30 جنيه.

وننتقل ليوم الجمعة، وعرض مسرحي مميز لفريق حلاوة شمسنا باسم “هردبيس كمان وكمان”، فى مكتبة مصر الجديدة العامة. وسعر التذكرة: 20 جنيه. أما  في حديقة الأزهر بارك وبالشراكة مع المركز الثقافي الصيني، ورابطة الصداقة الصينية، فهيكون فيه مهرجان “عيد الربيع الصيني”. والدخول مجاني. كمان هتستضيف مساحة أوزيريس حفل مشروع “مزاجانج فيروز كراوية والباند”، وسعر التذكرة: 20 جنيه.

ونختم بيوم السبت، ومفاجأة من  فريق الجيل الصاعد، بقيادة إيمان سليمان، اللي هيكون لهم حفل غنائي على مسرح الحكمة بساقية الصاوي. سعر التذكرة: 15 – 20 جنيه. أما على المسرح الصغير بدار الأوبرا المصرية  ففيه بث مباشر لأوبرا “روميو وجولييت” لجونو. من أوبرا المتروبوليتان. سعر التذكرة: 100 جنيه.

ويك إند سعيد!