The Definitive Guide to Living in the Capital , Cairo , Egypt

كل ويك إند وأنتم طيبين، وفي الشتاء متجمعين، وتحت المطرة مبسوطين، وعلشان ماتتعبوش في التدوير على خروجة حلوة، في السطور اللي جاية هنقولكم على الفعاليات والحفلات اللي تخليكوا مبسوطين ومتدفيين، وأوعوا تنسوا تشوفوا حالة الطقس إيه، وخلوا بالكم من تقلبات الجو اليومين دول.

نبدأ بالنهارده الخميس.. من الساعة 2 ظهرًا لحد 9 مساءً، هتحضروا واحد من 3 عروض لفيلم “إحكيلي” لـ”ماريان خوري” والحاصل على جائزة الجمهور في مهرجان القاهرة السينمائي 2019، العرض مدته 90 دقيقة. سعر التذكرة 62 جنيه.

فريق Les Miserables هيقدم الساعة 7:30 مساءً في ساقية الصاوي عرض موسيقي درامي وسينوغرافيا. سعر التذكرة 107 جنيه.

أما الساعة 8 مساءً، هنشوف عرض فلكلور شعبي لفرقة الكف الأسواني، واللي هتقدم مجموعة من ثلاثيات ورباعيات فن الكف في مسرح الضمة بتذكرة سعرها 50 جنيه.

يوم الجمعة.. قاعة النهر في ساقية الصاوي هتستضيف المنشد “على الهلباوي” الساعة 7:30 مساءً، وهيقدم لنا مجموعة مميزة من الأناشيد والمديح بتذكرة سعرها 67 جنيه.

كمان الساعة 8 مساءً، هتستمعوا مع أغاني الفنانة الكبيرة “وردة” واللي هتقدمها المطربة “وجدان” في درب 1718 وسعر التذكرة 107 جنيه.

ولمدة ساعتين بداية من 9 مساءً، هتطل علينا “فرقة رضا” للفنون الشعبية في عرض مميز على مسرح البالون في العجوزة بتذاكر سعرها (15 – 100 – 75 – 50) جنيه.

يوم السبت.. الساعة 7 مساءً، المطربة المصرية Cheen هتكون موجودة في ساقية الصاوي علشان تستمتعوا بأجمل الأغاني بتذكرة سعرها 77 جنيه.

والساعة 8 مساءً، تقدروا تحضروا حفلة غسيل الروح مع فرقة “أسياد الزار” في مسرح الضمة الثقافي، بتذكرة سعرها 50 جنيه.

أما الساعة 9 مساءً، فممكن تروحوا “رووم آرت سبيس” علشان تشاركوا في حفلة فرقة دعسوقة، بتذكرة سعرها 100 جنيه.