حفلات لـ مسار إجباري ويحيي خليل وملاذ وعبد الحليم حافظ وأنشطة أكتر في الويك إند
دليلك لويك إند سعيد، خروجات القاهرة، حفلات
Cairo 360
لو نفسك تقضي أجازة سعيدة تخليك تفصل عن الشغل يبقى الحل العملي هو إنك تحضر حفلة مختلفة أو ورشة تعلمك حاجة جديدة، وده دورنا، دايمًا بنحاول نوفر لك من خلال أجندة كايرو 360 أهم الأحداث الفنية والثقافية اللي هتحصل في القاهرة.
نبدأ بالنهارده الخميس، وفريق الحزب الكوميدي هيقدم عرض استاند أب كوميدي في درب 1718. وسعر التذكرة: 50 جنيه.
كمان فيه حفل للفنان يحيى خليل على المسرح الكبير في دار الأوبرا المصرية.
واستكمالًا لاحتفالات عيد الحب، مهرجان عيد الحب للفرقة القومية العربية للموسيقى بيقدم حفلة من غناء علي الحجار في دار الأوبرا المصرية.
أما عشاق الروك العربي فيقدروا يحضروا حفل فرقة ملاذ على مسرح النهر في ساقية عبد المنعم الصاوي وسعر التذكرة 40 جنيه.
وننتقل ليوم الجمعة، وهتلاقوا في رووم آرت سبيس حفلة “رووم جراند إكسبيريانس” مع يسرا الهواري ودكان. وسعر التذكرة: 80 – 100 جنيه.
كمان مركز جسور عامل حفلة دايرة الطبول مع مصطفى بكار. وسعر التذكرة: 40 جنيه.
برضه هتلاقوا حفل الموسيقار عماد الشاروني على المسرح الكبير بدار الأوبرا المصرية.
أما لأصحاب المزاج ففيه حفل الفنان عبد الحليم حافظ على مسرح العرائس بقاعة النهر بساقية عبد المنعم الصاوي، وسعر التذكرة 25 جنيه.
ونختم بيوم السبت، ورووم هتستضيف فريق فلامنكا واللي هيقدم ميكس من موسيقى الفلامنكو والموسيقى الشرقية. وسعر التذكرة: 50 جنيه.
برضه فيه حفلتين لمسار إجباري وراء بعض في قاعة النهر في ساقية عبد المنعم الصاوي، وسعر التذكرة 75 جنيه.
كمان فيه حفل فرقة أوركسترا القاهرة السيمفوني على المسرح الكبير في دار الأوبرا المصرية.
أما مساحة باب 18 في مصر الجديدة، فهيحصل فيها ورشة لتعليم الأوريجامي. سعر التذكرة: 100 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
