The Definitive Guide to Living in the Capital , Cairo , Egypt

كل أسبوع فريق #كايرو_360 بيحاول يوفر لكم أفضل الأحداث اللي في القاهرة علشان تقضوا أجازة سعيدة وتستمتعوا بأنشطة وحفلات مختلفة.

نبدأ بالنهارده يوم الخميس، وعرض فيلم مختلف في  الصالون الثقافي لـ “دار الحكمة” بنقابة الأطباء، هيعرضوا فيلم “الشتا اللي فات”، والدخول مجاني. أما في رووم أرت سبيس هيكون فيه حفلة لكل من نهى فكري، رامي عطاالله، وإيهاب بدر، في سهرة فريدة لموسيقى الجاز. وسعر التذكرة: 50 جنيه. كمان في علبة ألوان بالزمالك فيها حفل موسيقي لفريق “العازفون بدون آلات”. وهيقدم الفريق الموسيقى عن طريق الفم. وسعر التذكرة: 60 جنيه. برضه فريق مزاجنج  له حفل غنائي في مساحة باب 18 للفنون. وهيقدم الفريق توزيع جديد لمجموعة من أغاني الفنانة فيروز كراوية. وسعر التذكرة: 50 جنيه.

وننتقل ليوم الجمعة، وهيحيي اليوم فريق رباعي أوتار بحفل موسيقي في مساحة باب 18 للفنون. وسعر التذكرة: 50 جنيه. كمان فيه في بلكون هليوبوليس في مصر الجديدة فيلم “Boyhood”. وسعر التذكرة: 25 جنيه. أما في رووم هتلاقوا سهرة موسيقية خاصة هيحييها ألان بيشوب أو “ألفاريوس بي”، وسعر التذكرة: 50 جنيه.

ونختم بيوم السبت، وتجدد للأبداع لأوركسترا القاهرة السيمفوني، في حفلها الموسيقي على المسرح الكبير، بدار الأوبرا المصرية. وهيقدموا مقطوعات موسيقية من بعض أفلام هوليوود الشهيرة. وسعر التذكرة: 25 – 35 – 50 جنيه. كمان هتستضيف علبة ألوان بالزمالك حفل غنائي تحييه فرقة “إيجيبادور”. وسعر التذكرة: 70 جنيه.

لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.

ويك إند سعيد!