The Definitive Guide to Living in the Capital , Cairo , Egypt

آخر ويك إند في رمضان، فأكيد له طعم تاني. يلا بينا نشوفه هنقضيه فين ومع مين:

نبدأ من النهارده الخميس، مع خيمة ليالي الميريلاند في فندق هيلتون هليوبوليس، اللي هتستضيف حفلة غنائية للسوبر ستار “نانسي عجرم“. الحفلة هتبدأ الساعة 10 مساءً.

فريق “إيجيبشن بروجيكت” هيقدم ميكس أغاني الفلكلور مع مزيكا الإلكترو، في علبة ألوان. الحفلة هتبدأ الساعة 9 مساءً.

أما فرقة “مزاهر” هتقدم عرض الزار والفلكلور الشعبي في درب 1718. الحفلة هتبدأ الساعة 9:30 مساءً.

يوم الجمعة، فرقة “الحضرة” هتقدم حفلة إنشاد صوفي في مركز الربع الثقافي. الحفلة هتبدأ الساعة 9:30 مساءً.

رووم آرت سبيس هتستضيف حفلة لفريق “ستروبيري سوينج“. اللي بيلعب أغاني فرقة (كولد بلاي). الحفلة هتبدأ الساعة 10 مساءً.

مركز درب 1718 هيكون فيه عرض استاند أب كوميدي، لفرق متنوعة. العرض هيبدأ الساعة 9:30 مساءً.

أما يوم السبت، هيكون فيه حفلة زار لفرقة “أسياد الزار” على مسرح الضمة. الحفلة هتبدأ الساعة 9:30 مساءً.

عشاق الساحرة المستدير ميعادهم مع ماتش ليفربول وتوتنهام، في نهائي التشامبيونز ليج، في رووم آرت سبيس. الماتش هيبدأ الساعة 9 مساءً.

فرقة “سرور” هتقدم حفلة غنائية في علبة ألوان. الحفلة هتبدأ الساعة 9 مساءً.

تقدروا تعرفوا حفلات وتفاصيل أكتر من هنا.