دليل أحداث نهاية الأسبوع: حفل مشروع سرور وحفل التنورة وعرض الأراجوز
Cairo 360
كل نهاية أسبوع بعد إرهاق الشغل بتكونوا محتاجين تفصلوا وتستمتعوا بأجازتكم، وكمان بما أن بكرة أجازة فده هيخلي تحركاتكم أسهل، علشان كده إحنا بنحرص أننا نوفر لكم أحداث مفيدة وممتعة تستفيدوا منها.
ونبدأ بالنهارده الجمعة، وليلة رمضانية مميزة في روم آرت سبيس فيها حفل لمشروع سرور، واللي بيقدم مزيج فريد من الموسيقى الشرقية مع ألوان تانية من الموسيقى الغربية، وسعر التذكرة 50 جنيه.كمان فيه في مركز إبداع بيت السحيمي عرض الأراجوز وخيال الظل، واللي بيقدم عرض مميز ما يتفوتش، والدعوة عامة.
ونختم بيوم السبت، ومركز مدار عامل أمسية موسيقية بعنوان "حوار الناي والإيقاع" مع عازف الناي محمد عنتر وعازف الإيقاع أيمن مبروك، وسعر التذكرة 50 جنيه. كمان فيه حفل للتنورة في مركز إبداع وكالة الغوري، وسعر التذكرة 5 جنيه.
لو عاوزين تعرفوا أكثر عن أحداثنا اللي بننشرها كل يوم على مدار الشهر، تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
