The Definitive Guide to Living in the Capital , Cairo , Egypt

كل سنة وكل الناس في كل مكان بخير، النهارده عيد الحب، والحقيقة إننا بعد جائحة فيروس “كورونا” المستجد كنا في حاجة شديدة للحُب، علشان كده مشهد محلات القاهرة اللي مسيطر عليه اللون الأحمر مبهج جدًا النهارده، وفرصة حقيقية للسعادة.. لكن لحظة واحدة.. ليه اللون الأحمر؟ وإيه علاقة اللون ده بالحُب؟ تعالوا نعرف الحكاية بشكل علمي.

ارتبط اللون الأحمر بحالة الحب والغرام بشكل عام، وبالتالي كان طبيعي يكون هو اللون المسيطر يوم عيد الحب، سواء فى الهدايا أو الورود، أو حتى الملابس اللي بيلبسها كل “الحبيبة” في اليوم ده.

لون السعادة

بحسب مواقع متخصصة في دلالات الأولان ومنها موقع ” Tutorialspoint” بيعتبر اللون الأحمر هو لون السعادة والازدهار في الصين، ولأن عيد الحب هو يوم خاص للاحتفال بعلاقات الحب، فكان طبيعي إن اللون ده يبقى مرتبط بالمناسبة دي.

محفز للمشاعر

بحسب تقرير مترجم نشره موقع اليوم السابع بيعتبر اللون الأحمر من الألوان القوية والمحفزة لمشاعر الحب، علشان كده هو اللون الأساسي المرتبط بعيد الحب، سواء في الهدايا من زهور وإكسسوارات وأشكال القلوب المطروحة بالمحلات التجارية المختلفة وأغلفة الهدايا والملابس.

رمز الحب

لما بنقابل حد بنحبه لأول مرة بتحصل حاجة غريبة، وهي احمرار الوجه أو اندفاع الدم، ولما بينجذب شخص لشخص تاني، بتحصل بعض التفاعلات الكيميائية في الجسم وده بيؤدي لضخ القلب بشكل أسرع وبيتسبب في تحول الخدين إلى اللون الأحمر الوردي.

مخفض لضغط الدم

بيعتبر اللون الأحمر من الألوان اللي بتساعد على التخلص من الشعور بالتعب والإرهاق، وبيساعد على انخفاض ضغط الدم، علشان كده هو مرتبط بيوم “الفلانتين “.

رمز الرومانسية

بيعتبر اللون الأحمر رمز الرومانسية، وارتداء الملابس الحمراء معناها إنك مغرم بشخص مين، علشان كده بيحرص المحبين على ارتداء اللون ده يوم الاحتفال بعيد الحب.

بداية حياة زوجية جديدة

بتقول الدكتورة فانج فانج ون في كتابها “علم النفس التطوري” إنه لما بتختار النساء ارتداء الأحمر فإنهن “يعكسن نواياهن الجنسية من البداية”، علشان كده، في معظم البلدان الشرقية زي الهند والصين، بترتدي العروسة الساري الأحمر والشيونجسام كغشارة على بداية حياتها الزوجية.