The Definitive Guide to Living in the Capital , Cairo , Egypt

المقشة هي سلاح موظف النظافة المكلف بتنظيف شوارع القاهرة، لكن واضح إن الأمر ده في طريقه للتغيير قريب.. لأن هيئة نظافة وتجميل القاهرة بدأت رسميًا من يوم الاثنين 14 يونيو الجاري، حملة تنظيف واسعة في ميدان العباسية، ظهر فيها موظفي النظافة وهم ماسكين مكانس شفط بدل الأدوات التقليدية اللي كانوا بيستخدموها واللي على رأسها المقشة العادية.

وبحسب تصريحات إعلامية للهيئة، هيكون فيه نوعين من الأجهزة الجديدة اللي هتكون بديلة للمقشة، النوع الأول هيكون محمول على صندوق مخلفات، والنوع الثاني هيكون محمول على الظهر وبيعتمد الاثنين على تقنية الشفط.

والجميل إن النتيجة الإنتاجية للتقنية الجديدة هي أضعاف استخدام الطرق التقليدية وبمجهود أقل، وده معناه إن زمن المقشات التقليدية في تنظيف شوارع القاهرة في طريقه للانتهاء.

وبتشتغل الأجهزة الجديدة بموتور بنزين أو شحن بطاريات، وبتكفي الشحنة الواحدة حوالي 4 ساعات عمل، وبتستهلك نصف لتر بنزين بس.