سوء الأحوال الجوية أكد الحقيقة.. “المصريين فعلًا شعب عظيم” (صور)
الشعب المصري خير سوء الأحوال الجوية مصر نماذج إنسانية
Omar Abd-elmaqsoud
رغم سوء الأحوال الجوية اللي بتواجهه مصر حاليًا، قرر مصريين كتير يخرجوا للشوارع، ويساعدوا المتضررين، ومنهم اللي قرر يفتح بيته في القاهرة لاستقبال أي مواطنين مش عارفين يسافروا لمحافظاتهم بسبب الأمطار والعواصف الشديدة، واللي قرر ينقذ الحيوانات في الشوارع، واللي نزل بعربيته يساعد المصريين.
دكتور عادل عبد الله نموذج مصري رائع، أعلن عن فتح شقته في الدقي لكل المصريين اللي تضرروا من قرار وقف القطارات بسبب الطقس.
والشيخ محمد عبد الله نصر، أعلن عن فتح باب مطعمه “سمكاوي” مجانًا لأي حد عالق أو مغترب في وسط البلد.
وبنت مصرية جميلة قررت تنزل من بيتها بتشجيع من والدها وتنقذ ثلاثة من الكلاب الصغيرة “الجراوي” كانوا ممكن يموتوا بسبب الأمطار الشديدة.
وشاب مصري اسمه جعفر حسني كتب على الفيسبوك: “شباب أنا بلف في الشوارع، ومعايا إسكوتر، لو في حد شاف شخص نايم في الشارع يكلمني، أو لو حد في مكان ومش عارف يتحرك يكلمني أوصله”.
ده غير مجموعة الشباب اللي قرروا ينزلوا بعربياتهم علشان ينقذوا أي حد عالق في الشوارع بسبب سوء الأحوال الجوية، ومنهم البطل الجميل شريف خيري.
وفنادق كتير قررت تفتح أبوابها مجانًا لكل المتضررين من سوء الأحوال الجوية في الطرق.
اللي فات ده مجرد نماذج قليلة من حاجات كتير حصلت في مصر في الساعات الأخيرة، أثبتت فعلًا إن المصريين شعب عظيم.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
