The Definitive Guide to Living in the Capital , Cairo , Egypt

كل سنة وأنتم طيبين! النهارده عيد الحب المصري، وبالمناسبة دي، هنقولكم على 5 أفكار مختلفة لقضاء يوم مميز، ومش لازم تجيبوا هدية تقليدية للي بتحبوه، ممكن تعملوا حاجات تانية كتير.

1- أكل الآيس كريم

ممكن تاخد حبيبك في خروجة مميزة، وتشوف أحسن واحد بيعمل آيس كريم في منطقتك وتروحوا تاكلوا من عنده، وممكن تلحوسوا بعض وتنبسطوا.

2- اختراع ليلة فريدة

غيروا المود واعملوا ركن في البيت الليلة دي فيه ترابيزة عشاء، مع وجبة خفيفة وحلوة وشوية ورد وشموع وزينة، وخلي حبيبك يتفاجئ بحاجة جديدة ويتأكد من حبك له، مع موسيقى هادية مميزة ومناسبة لليلة زي دي.

3- اهتمام ووقت زيادة

هما الحبيبة عاوزين إيه غير اهتمام وحب وإحساس بأن الطرف التاني ملكه ومعاه طول الوقت، فخصصوا اليوم ده بالكامل أو الجزء الأكبر منه لشريك الحياة والدرب والكفاح والأيام اللي ربنا يعديها على خير، ومايمنعش أن يبقى فيه كارت معايدة صادق يتكتب فيه كلمتين حلوين من القلب.

4- اتنازل شوية

لو في نقطة جدل بينكم سببت قبل كدة خناقة، قرروا تتسامحوا، واتنازلوا وقولوا حاضر، واستعدوا لنسيان المشكلة، واصنعوا سلام داخلي بينكم، السنة فيها 365 يوم خلوا فيهم يوم حلو من غير اختلاف.

5- قول لحبيبك كلمة “بحبك” كتير

في ناس بتنسى تقول كلمة “بحبك” لحبيبها في عيد الحب، وبتفتكر إن الهدية كفاية! الحقيقة أنت محتاج تكرر كلمة بحبك كتير في اليوم ده، وتتأكد إنها خارجة بشكل صادق فعلًا، ومن القلب، اعملوا مجهود في إنكم تظهروا مشاعركم بشكل يليق باليوم ده، وكمان تقدروا تقولوا للطرف التاني بتحبوه ليه، والحاجات الحلوة اللي عجبتكم في حبيبكم.