The Definitive Guide to Living in the Capital , Cairo , Egypt

الحياة في كايرو

سينجل؟ 5 أفكار هتخليك مبسوط في الفالنتين

سينجل؟ 5 أفكار هتخليك مبسوط في الفالنتين
بواسطة
Mohammed Sabry

كتب: محمد صبري

خلاص الفالنتين يدق الأبواب، وكل الـ couples أكيد في انتظاره. مجهزين الهدايا والدباديب والذي منه. طب السناجل يعملوا إيه بقى؟ إحنا في كايرو 360 حاسين بهم، علشان كده جبنا لهم شوية أفكار مختلفة، يقضوا بها اليوم بأفضل شكل ممكن:

الأفلام ثم الأفلام

how-to-be-single

مين فينا مش بيحب الأفلام؟ في اليوم ده جهز فلاشتك، لاب توبك، اللب والفيشار والعصير. وابدأ يا معلم أجمل سهرة مع الأفلام. قديم بقى ولا جديد، انت ومزاجك. ولو طلبت معاك تشوف فيلم مناسب لليوم ده، إحنا بنرشحلك “How to be Single”. اتفرج وانبسط.

حفلة للسناجل

2

خلاص طلبت معاك تخرج وتقضيها، يبقى لم أصحابك السناجل واطلع على أي حفلة بقى في اليوم ده. سواء في الساقية أو الأوبرا أو أي مكان، أو حفلة مخصوص للسناجل زي حفلة “دوار” في وسط البلد. واهو تبقى قضيت اليوم في حفلة بشكل مختلف.

عزومة عشاء في بيتك

3

ممكن بدل ما تخرج وتقابل أصحابك برة، تخلي أصحابك ييجوا لك البيت، في عزومة عشاء محترمة. تاكلوا وتقضوا وقت لطيف مع بعض. وأكيد أوبشن الفرجة على فيلم متاح برضه.

وزع ورد على الناس

rtyirtuory

أما بقى لو انت مهتم بفكرة الحب بشكل عام. ممكن تشتري شوية ورد حلوين كده، وتنزل توزع الورد ده على أي حد يقابلك في الشارع. الفكرة مجنونة شوية، وممكن ناس كتير تستغرب. بس لو جربتها هاتحس بسعادة من نوع مختلف.

يوم عادي جدًا

5

لو انت بقى برنس ومش فارق معاك الكلام ده، تقدر تطنش كل اللي فات، وتقضي يومك عادي جدًا. تروح الشغل، تخلص وترح تقابل أصحابك على القهوة أو الكافيه. أو ترجع البيت على طول وتأنتخ على الكنبة الجميلة. وتحس بالسلام النفسي الداخلي. وبلاش وجع دماغ.

تقريبًا كده انتوا عرفتوا يومكم بكرة هايمشي إزاي، تقدروا تناموا النهارده متطمنين.

مقترح