صاحبك بيشبه مين من شخصيات مجلة ميكي؟

الحياة في كايرو

05/04/2017

صاحبك بيشبه مين من شخصيات مجلة ميكي؟

بواسطة

Nagla Ashraf

مين فينا ما أدمنش مجلة ميكي وهو صغير لدرجة أنه كان بيتخيل نفسه بطل قصة من القصص، بس كمان لأن الشخصيات دي مقتبسة من الواقع مافيش شلة صحاب تلاقيها إلا وتلاقي فيها حد من شخصيات مجلة ميكي.. حدد من السطور الجاية مين من أصحابك شكل الشخصيات دي.

بندق

%d9%85%d9%8a%d9%83%d9%8a14

مافيش شلة بتخلوا من الشخص الغلبان المساند اللي سهل جدًا تشتغله، شخص مسالم مش بتاع مشاكل مكبر دماغه من الدنيا والخناقات، عايش في ملكوته الخاص البسيط الهادئ.

ميكي

%d9%85%d9%8a%d9%83%d9%8a00

الشخص الجدع صاحب الكل اللي ممكن بعضنا يشوف أنه “مدعي المثالية” بس هو مابيعرفش يعمل الحاجة الغلط مهما كان المقابل، باختصار شديد هو ضمير الشلة اللي دايمًا بينبههم قبل ما يعملوا الحاجة اللي ممكن يندموا عليها بعد كده.

بطوط

%d9%85%d9%8a%d9%83%d9%8a9

طيب جدًا وأكتر حد دمه خفيف في الشلة، مش شرط كل كلامه يكون مفهوم أو أفعاله، بس الأكيد أنك ما تقدرش تستغنى عنه.

ميني

%d9%85%d9%8a%d9%83%d9%8a15

المثال الكارتوني للشخصية اللي بتفضل تقعد مع حبيبها عن قعدتها مع صحابها، ممكن تلغي خروجة لو هو مش موافق أو هيتقابلوا، يعني برغم جمالها إلا أن رقم واحد في حياتها هو ميكي.

زيزي

%d9%85%d9%8a%d9%83%d9%8a13

فاشونيستا الشلة اللي بتهتم جدًا بالموضة وطريقة لبسها وكلامها وبشرتها، شخصية لذيذة ومحبوبة وبتتنرفز بسرعة.

الجدة بطة

%d9%85%d9%8a%d9%83%d9%8a2

الشخص الحنين وكاتم الأسرار اللي ممكن تحكي له أي حاجة وماحدش يعرف عن الموضوع حاجة، ده غير أن أكلها يجنن وما تقدرش تقاوم جماله.

عم دهب

%d8%b9%d9%85-%d8%af%d9%87%d8%a8

صاحبك اللي كل ما تقول له يلا نخرج يقول لك لأ مامعييش فلوس وهو محوش ومكنز فلوس كتير بس مش عاوز يصرف. خاصة بقى لو اتزنقت يعمل نفسه ما يعرفكش.

محظوظ

%d9%85%d9%8a%d9%83%d9%8a6

الشخص اللي بيسافر كتير ماتعرفش إزاي كأنه كسبان يانصيب. حظه مش في الشغل والفلوس بقدر ما في السفر والعلاقات والحفلات، روحه حلوة وبيحب الفرفشة ومش بيشيل هم الفلوس هو عارف أن في النهاية هتتحل لوحدها. وحد ذوق جدًا ودبلوماسي.

لوز الكسلان

%d9%85%d9%8a%d9%83%d9%8a3

صاحبك اللي كل ما تيجوا تظبطوا خروجة يقول لك مش قادر وعندي حاجات وتكتشف أنه مكسل ينزل ومتدفي في البيت. فاتته مناسبات كتير وبينسى يهني الناس في عيد ميلادها وبيموت في الأكل لدرجة أنك لو عاوزه في حاجة مهمة تغريه بعزومة معتبرة من اللي قلبه يحبها.

عبقرينو

%d9%85%d9%8a%d9%83%d9%8a8