“صنايعية مصر”.. مبادرة جديدة لرفع المستوى المهني من “جامعة القاهرة”
تصنيع منظفات جامعة القاهرة حدادة سباكة صنايعية مصر كلية العلوم نجارة نقاشةOmar Abd-elmaqsoud
النهارده أعلن مركز خدمة المجتمع في جامعة القاهرة إنه هيبدأ في تنظيم ورش عمل مجانية في التخصصات الحرفية المختلفة، للطلاب والخريجين والعاملين وبالتعاون مع كلية العلوم بهدف خلق فرص تدريب وتأهيل للشباب اللي حابب يتعلم حرفة جديدة.
الورش هتكون ضمن مبادرة “صنايعية مصر” واللي هدفها رفع المستوى المهني للصنايعية في مصر، وهتعقد في الورشة العامة لكلية العلوم، وعلى إيد أساتذة متخصصين من الكلية، لتأهيل اللي حابين يتعلموا أو ينموا مهاراتهم الأساسية في حرف مختلفة زي الكهرباء والسباكة والنقاشة وصناعة المنظفات والنجارة والحدادة واللحام.
هيتم استغلال كل الإمكانات الموجودة في الكليات من معامل وأدوات لتنفيذ الورش التدريبية، ده غير مناهج موجهة للمتدربين هيكون فيها جزء نظري مع جزء عملي وتطبيقي، وفي الآخر كل متدرب هياخد شهادة معتمدة من الجامعة كتدريب مهني.