The Definitive Guide to Living in the Capital , Cairo , Egypt

زيادة أسعار البنزين بدون شك بتتسبب في زيادة حاجات كتير على رأسها وسائل المواصلات المختلفة.

وعلشان ماحدش يضحك عليك هنقول لك على الأسعار الجديدة للتاكسي الأبيض وكمان للميكروباصات علشان تبقى فاهم الموضوع ماشي إزاي في القاهرة.

بالنسبة لتعريفة التاكسي الأبيض فهي زادت 25 قرش للكيلو متر. يعني بقت 2 جنيه، بدل 1.75 جنيه. وفتح العداد بقى 5 جنيه بدل 4.

أما الميكروباصات، فأجرتها زادت 25 قرش، لمسافة 15 كم. وزادت 50 قرش، لمسافة من 15 لـ 30 كم.

وبحسب تصريح رسمي من محافظة القاهرة نشرته المصري اليوم المفروض هيكون فيه حملات مفاجئة على مواقف السرفيس في كل أنحاء القاهرة، للتأكد من التزام السائقين بالتعريفة الجديدة.