The Definitive Guide to Living in the Capital , Cairo , Egypt

الحياة في كايرو

على مساحة 2000 متر.. افتتاح حديقة حيوانات للأطفال في الجيزة قريبًا

حدائق القاهرة حديقة حيوان الجيزة حديقة حيوانات للأطفال
على مساحة 2000 متر.. افتتاح حديقة حيوانات للأطفال في الجيزة قريبًا
بواسطة
Mohamed Talaat

مافيش طفل مابيحبش الحيوانات، دي حقيقة ممكن تتأكدوا منها لما تبصوا في عين أي طفل وهو بيتفرج على الحيوانات المختلفة في حديقة حيوان الجيزة، اللي بتعتبر واحدة من أقدم الحدائق في العالم، وقريب جدًا هيكون في جزء خاص بالأطفال فقط داخل حديقة حيوانات الجيزة، والتفاصيل في السطور الجاية.

مؤخرًا، أعلنت حديقة حيوان الجيزة، التابعة للهيئة العامة للخدمات البيطرية بوزارة الزراعة، إنها هتفتتح قريبًا لأول مرة حديقة حيوانات للأطفال، وأكدت إنها هتكون أحد أهم مزارات حديقة الحيوان خلال الفترة الجاية، وإنها هتكون على مساحة 2000 متر مربع، ومخصصة بس للأطفال من زوار الحديقة.

وبحسب تصريحات إعلامية للواء الدكتور محمد رجائي، رئيس الإدارة المركزية لحدائق الحيوان والحياة البرية، هتضم الحديقة الجديدة، واللي هتكون جزء مستقل من حديقة حيوان الجيزة، عدد من الحيوانات والطيور النادرة المحببة للأطفال، ومنها عائلة الطيور زي الطاووس، ده غير بعض حيوانات الثدييات الصغيرة، زي الآيل الأوروبي والأسماك الملونة، والسلاحف.

الحديقة الجديدة هتضم كمان قاعة سينمائية للأطفال مزودة بتقنيات الواقع الافتراضي، وهتعرض أفلام حيوانات للأطفال.

“رجائي” أكد إن افتتاح الحديقة هيكون قريب جدًا، وقال إنهم شغالين حاليًا على الحديقة دي.

مقترح