The Definitive Guide to Living in the Capital , Cairo , Egypt

الحياة في كايرو

عيش المغامرة والخطر في HintHunt Cairo في شيراتون

عيش المغامرة والخطر في HintHunt Cairo في شيراتون
بواسطة
Mohammed Sabry

لو بتدور على الإثارة والمغامرة في خروجة مش عادية، وجو غير الروتين الممل، يبقى HintHunt Cairo هو المكان اللي أنت بتدور عليه. لعبة الهروب والمهمات الأولى في العالم، دلوقتي في مصر. هتحتاج لحدسك وذكائك، وكمان مساعدة أصحابك في الفريق، علشان تكمل المهمة بتاعتك في 60 دقيقة بالظبط.

كل لعبة في هينت هانت بتقوم على فريق من 3 لـ 5 أفراد. الهدف بسيط وفي نفس الوقت مليان تحدي: تخلص مهمتك، وتخرج في الوقت المناسب.. أو هاتتحبس جوة للأبد.

هينت هانت لعبة مناسبة للأصحاب والعائلات والطلبة وأي حد بيحب الألعاب بشكل عام. وهي عن 3 حجرات بـ 3 مهمات مختلفة:

Zen Room

هتعيش فيها تجربة المحقق، وانت بتحقق في جريمة قتل جوة بيت ياباني. حاول تحل القضية من خلال الأدلة المتاحة في مسرح الجريمة.

Submarine Deep Down

انت وفريقك طاقم غواصة أثناء الحرب العالمية الثانية. حاولوا خلال 60 دقيقة إنكوا تنقذوا الغواصة من هجوم العدو، وتدمروه.

Submarine Torpedo

أنتم برضه جوة غواصة، في الحرب العالمية الثانية. ولازم خلال 60 دقيقة تعرفوا إزاي تطلقوا الطوربيد، علشان تحموا نفسكم من هجوم العدو.

أسعار الدخول

في أيام الأسبوع العادية:

3 أشخاص: 145 جنيه للشخص

4 أشخاص: 135 جنيه للشخص

5 أشخاص: 125 جنيه للشخص

في الويك إند (الخميس – الجمعة – السبت):

3 أشخاص: 155 جنيه للشخص

4 أشخاص: 145 جنيه للشخص

5 أشخاص: 135 جنيه للشخص

المكان موجود في The District Mall في شيراتون هليوبوليس. وتقدروا تعرفوا أكتر عنه من هنا.

مقترح