The Definitive Guide to Living in the Capital , Cairo , Egypt

القاهرة عاصمة العلم والفن والثقافة مش بس في مصر ولكن في العالم العربي كله، علشان كده فيها بنلاقي مباني فنية وثقافية وعلمية كتيرة، وكل يوم بيظهر مبنى جديد بيضيف قيمة أكبر للعاصمة، وأحدث المباني التعليمية اللي هتظهر في القاهرة قريب هي “جامعة المدينة”.

مؤخرًا أعلنت وزارة التعليم العالي والبحث العلمي عن صدور قرار جمهوري بإنشاء “جامعة المدينة” بالقاهرة، واللي هتكون لها شخصية اعتبارية ومقرها مدينة هليوبوليس الجديدة، ومش هتكون هادفة للربح بشكل أساسي.

الجامعة اللي تم إصدار القرار الجمهوري بتأسيسها هتضم 5 كليات كبداية، وهي كليات “الهندسة، العلاج الطبيعى، الفنون والتصميم، الإعلام، والاقتصاد والعلوم الإدارية”. لكن ليها الحق في إنشاء كليات ومعاهد عليا متخصصة تانية وكمان وحدات بحثية، وده هيتم بعد اتخاذ الإجراءات القانونية اللازمة في هذا الشأن.

وبكده هتبقى جامعة المدينة بالقاهرة هي رقم 8 في مصر خلال سنتين بس، في تطور مشهود وملحوظ لتطوير التعليم العالي، بعد إنشاء 7 جامعات قبلها هما “السلام بطنطا، سفنكس بأسيوط الجديدة، ميريت بسوهاج الجديدة، الحياة بالتجمع الخامس، اللوتس بالمنيا الجديدة، رشيد برشيد، مايو بمدينة 15 مايو”.