The Definitive Guide to Living in the Capital , Cairo , Egypt

الحياة في كايرو

“فيستيفانجو”.. كل اللي محتاج تعرفه عن أول مهرجان للمانجو في القاهرة

الرحاب فاميلي بارك مانجا مانجو مهرجات
“فيستيفانجو”.. كل اللي محتاج تعرفه عن أول مهرجان للمانجو في القاهرة
بواسطة
Mohamed Talaat

مين فينا م بيحبش المانجو، تخيلوا كده إنكم بتاكلوها وداخلين مسابقة في أكلها، تخيلتوا؟!، طيب إيه رأيكم إنكم هتشربوها كمان بأنواعها المختلفة، إيه الحلاوة دي، وكمان ممكن تدخلوا مسابقات تحدي في إنكم تكونوا أكيلة أو شريبة المانجو الأوائل في أول مهرجان ترفيهي في مصر.

فيستيفانجو هو أول مهرجان للمانجا في القاهرة، هيبدأ من يوم 13 سبتمبر، وهيستمر لحد يوم 14 سبتمبر، وفيه هتتعرفوا عليها بشكل مختلف وجديد، وكمان هتتعرفوا على أنواع المانجو غير العويسي وفونس وفص وزبدية وتيمور وهندي وسنارة وسكري وكيت وناعومي وياسمين، لأن فيه أنواع أكتر من دول بكتير متعرفوهاش، ووصفات مختلفة للحلو والحادق منها، ولو عاوزين تشتروا وأنتم مروحين هتلاقوا سوق كامل بيبيع كل اللي محتاجينه.

وفي المهرجان هيكون في مسابقات وتحدي لأكل وشرب المانجو، وكمان أكثر  Couple هياكلوا، وممكن تشتروا من هناك شتلات لشجر المانجو بأنواعها، ووسط كل ده هيكون فيه حفلات وعروض غنائية.

المهرجان كمان هيوفر تجهيزات خاصة لذوي الاحتياجات الخاصة وكبار السن، وهيبقى فيه منطقة للهدايا التذكارية، ومنطقة ألعاب للأطفال، وألعاب حرب البازوكا وحرب المياه، وفقرات رسم وتلوين وعروض بلياتشو والساحر، ومنطقة مأكولات ومسموح بدخول الأطعمة الخارجية.

أسعار تذاكر المهرجان للفرد هتكون بـ150 جنيه، ولو اتنين هيكونوا بـ260 جنيه، ولو أكتر هيكون سعر الفرد 120 جنيه، والدخول للأطفال جتى 3 سنوات مجانًا.

العنوان: فاميلي بارك – مدينة الرحاب – طريق السويس

رقم التليفون:  ٠١٠٦٤٣٤٠٠٠٧ – ٠١٠٣٣٥٥٧٧٩٩

صفحة الفيسبوك من هنا

مقترح