Five Feet Apart
فيلم Five Feet Apart: ساعة بقرب الحبيب
Five Feet Apart اتنين حب رومانسي عشاق فيلم قصة محاولة مرض-
كول سبروسمويز أرياس...
-
درامارومانسي
-
جاستين بالدوني
-
في1 Cinema
Mohamed Hamdy
الحب اللي بيجمع أي اتنين، بيخليهم دايمًا عايزين يبقوا قريبين من بعض. لكن بالنسبة لـ ستيلا “هايلي لو ريتشاردسون” وويل “كول سبروس”، كان القرب فيه خطر كبير على حياتهم. نتيجة إصابتهم بمرض التليف الكيسي اللي بيخلي قابلية الإنسان لالتقاط الأمراض أسرع وأخطر.
فكرة الحب شبه المستحيل أو بيمر بظروف استثنائية مش جديدة. علشان كده اهتم المخرج “جاستين بالدوني” بتقديم سلسلة من المواقف المتنوعة، اللي بتجمع الرومانسية بالدراما مع خيط كوميدي خفيف. علشان الأحداث تكون ممتعة أكتر.
أداء “هايلي لو ريتشاردسون” كان متميز. وقدرت تنقل لنا كل انفعالات معقدة بسهولة، كأنها مش بتمثل. وطبعا “كول سبروس” هو كمان قدر يقدم أداء رائع. ساعد في النهاية على خروج أداء فني قوي ومتوازن. ده طبعًا غير الدور المهم للموسيقى التصويرية في أحداث الفيلم.
Five Feet Apart فيلم رومانسي خفيف وجميل. تقدر تستمتع بيه في سهرة حلوة مع العيلة.