The Definitive Guide to Living in the Capital , Cairo , Egypt

بدأت حاليًا الاستعدادات الأولية لتنظيم أكبر مائدة إفطار في العالم عندنا هنا في مصر، وتحديدًا في العاصمة الإدارية الجديدة، وده بمناسبة حلول شهر رمضان الكريم، وفي توقعات محلية كمان بإن المائدة دي تدخل موسوعة “جينيس” للأرقام القياسية.

الحكاية بدأت لما شركة العاصمة الإدارية أعلنت إنها هتنظم أطول مائدة إفطار رمضاني في العالم، وده بحضور ومشاركة كل الشركات والأفراد اللي شاركوا في نجاح العاصمة الإدارية الجديدة، وبحضور ممثل عن موسوعة جينيس، وده في الأغلب هيكون في النص التاني من شهر رمضان.

المتحدث باسم شركة العاصمة الإدارية الجديدة، العميد “خالد الحسيني” قال إن الحدث ده هيكون تحت شعار “مصر بتفطر في العاصمة” وده لرغبة القائمين على مشروع العاصمة الإدارية بإن كل المصريين بلا استثناء يبقوا في اليوم ده حوالين مائدة إفطار رمضانية واحدة، بتجمعنا كلنا بكل أطيافنا واختلافاتنا.

نتمنى نشوف أكبر عدد من المصريين حوالين المائدة دي، وأكيد فريق كايرو 360 هيكون هناك كمان.