The Definitive Guide to Living in the Capital , Cairo , Egypt

الأيام دي مصر بتحتفل بمرور 111 سنة على إنشاء جامعة القاهرة، اللي اتبنت كجامعة أهلية بديلة عن إرسال المصريين للخارج علشان يتعلموا، وبتعتبر ثاني أقدم جامعة مصرية ورقم 3 عربيًا، وعلشان أهمية الجامعة في مصر هنقولكم في السطور اللي جاية 7 معلومات مهمة عنها.. يلا نبدأ.

1- اتأسست الجامعة باسم “الجامعة المصرية”، واتحول اسمها لجامعة “فؤاد الأول” سنة 1940، وبقت جامعة القاهرة سنة 1952.

2- اتخرج من جامعة القاهرة 4 روؤساء و3 حائزين على جائزة نوبل و4 علماء أثروا عالميًا.

3- أول نواة لجامعة القاهرة كانت بإنشاء مدرسة المهندس خانة سنة 1816.

4- افتتحت الجامعة في 21 ديسمبر 1908 بحضور الخديوي عباس حلمي الثاني في مجلس شورى القوانين.

5- الدراسة في الجامعة الأهلية الأولى كانت محاضرات في قاعات مختلفة زي قاعة مجلس شورى القوانين، نادي المدارس العليا، دار الجريدة.

6- أول مقر لجامعة القاهرة كان في سراى الخواجة نستور جناكليس وحاليًا موجود في مكانها “الجامعة الأمريكية” في التحرير.

7- اتنقلت الجامعة لمقرها الحالي في الجيزة سنة 1928 بعد ما حصلت على الأرض من الحكومة، بديلًا عن الأرض اللي اتبرعت بيها الأميرة فاطمة بنت الخديوي إسماعيل.