The Definitive Guide to Living in the Capital , Cairo , Egypt

الحياة في كايرو

في سبتمبر: ورش في التمثيل والمزيكا وصناعة الإكسسوارات

في سبتمبر: ورش في التمثيل والمزيكا وصناعة الإكسسوارات
بواسطة
Mariam Al Attar

كتير مننا نفسهم يتعلموا حاجات جديدة أو يطوروا مهارات عندهم بالفعل، بس الكورسات أصبحت شئ مزعج وبيضيّع الوقت، فالحل الأمثل ليك هو ورش العمل المكثفة اللي بتنجز كتير ومابتضيعش وقتك، علشان كده إحنا هنقول لك على الورش اللي تقدر تحضرها اليومين دول في وقت قصير وفي مجالات مختلفة .

 

أول ورشة هي لتاء التأنيث وده لأنها غالباً المتحمسة لهذا النوع من الورش، والورشة ببساطة هي خاصة بالإكسسوارات.

يعني لو أنتِ مهتمة بالإكسسوارات وعايزة تعرفي إزاي تعمليها بنفسك فمركز Be or Not to Be  بيوفر لك ده في ( ورشة اليوم الواحد المكثفة لصناعة الاكسسوارات ) ، وهناك هيتم تدريبك على صنعة الاكسسوارات وطريقة تسويقها، والأدوات والخامات المستخدمة في ده، والتعرف على أماكن شراءها وكيفية التعامل معاها .

كل اللي فات هيتم خلال خمس ساعات تبدأ من الساعة 6 م ، يوم 22 سبتمبر، في ش البترول – جسر السويس – امتداد النزهة الجديدة – خلف سوق القنال الدولي – أمام مدينة قباء – عمارة فخامة – الدور الخامس، وهتلاقي كل التفاصيل هنا.

 

أما تاني ورشة فهي لمحبي المزيكا واللي غاويين سلطنة على أنغام العود، ودول عمل لهم بيت السناري ورشة لتعليم العود كمرحلة تالية لمستوى التعرّف على الأوتار، وفيها هتقدر تتعلم العزف على العود وما يتعلق به من تعرف على الأوتار وعلى المقامات الشرقية والغربية، وهتقدر بالتدريب تعزف بعض المقطوعات الموسيقية، وكمان هتقدر تتصاحب على نوتة المزيكا وتفهم لُغتها .

هيقوم بالتدريس في الورشة الأستاذ محمد حسين؛ الحاصل على بكالريوس المعهد العالي للموسيقى العربية، واللي درّس في أكتر من مكان ومنهم معهد اتحاد الموسيقى .

الورشة هتكون كل يوم اثنين بدايةً من يوم 26 سبتمبر وهتستمر لمدة شهر، كل محاضرة 3 ساعات تبدأ من الساعة 3 عصراً إلى الساعة 6 مساءً .

كل المطلوب منك إن آلتك تكون معاك وكمان تكون فوق 18 سنة .

تقدر تعرف أكتر عن الورشة وطريقة الحجز بالتواصل معهم على الرقم ده 01001303318 / 0223926031 ، أو من خلال زيارتك للإيفنت من هنا.

 

آخر ورشة هي للمهتمين بالتمثيل بشكل عام، وبالمسرح بشكل خاص فريق " كيان المسرح " إيماناً منه بأهمية المسرح ورسالته وبأهمية تطويره من تاني علشان يقدر يقدم فن هادف، قرر يعمل ورشة لتدريب الممثلين، وهتقام الورشة في كلية الآداب جامعة القاهرة، ولكن الشرط الوحيد هو إنه يكون الملتحق بهم سنه من 18 – 22 سنة .

تقدر تتواصل معاهم على الرقم ده 01156601918 أو تعرف تفاصيل الإيفنت وتملا الأبليكيشن من هنا.

ماتضيّعش وقتك وإملا الشهر الفاضل من الأجازة في حاجة مفيدة وممتعة.

مقترح