في شوارع القاهرة… 4 أتوبيسات نقل عام صديقة للبيئة صُنعت في مصر
أتوبيسات القاهرة صديقة للبيئة غاز طبيعي مواصلات القاهرة هيئة النقل العام
Cairo 360
القاهرة كل يوم فيها حاجة جديدة مثيرة للدهشة أو للإعجاب، والنهارده إحنا معجبين جدًا بخطوة حلوة حصلت في كايرو.. وهي تشغيل 4 أتوبيسات جديدة بتشتغل بالغاز الطبيعى، بشكل تجريبي، ضمن بروتوكول تشغيل 130 أتوبيس هيشتغلوا بالغاز تمهيدًا لتشغيلها في القاهرة، وبكده هيزيد أسطول الهيئة اللي بتحاول تتغلب على أزمات المرور بشوارع العاصمة.
وبحسب تصريح للواء رزق علي، رئيس هيئة النقل العام بالقاهرة، لوسائل إعلام مصرية، الأتوبيسات الجديدة دي هتشتغل على خط ١٠٣٣ اللي بيبدأ من دوران شبرا إلى التجمع الأول مرورًا بالمظلات وعبود والسواح وسراي القبة وروكسي وكلية البنات ورابعة والطيران ومصطفى النحاس والحي الثامن والتبة والحي العاشر وزهراء مدينة نصر وأكاديمية الشرطة، وهينتهى الخط فى التجمع الأول.
وسعر تذكرة الأتوبيس الجديد هتكون 4 جنيه ومن المقرر تشغيل باقى الأتوبيسات بعد نجاح التشغيل التجريبى.
والجميل إت الأتوبيسات الجديدة دي صناعة مصرية، وبتحمل شعار “بكل فخر صنع فى مصر”، من خلال شركة كاستور مصر.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
