The Definitive Guide to Living in the Capital , Cairo , Egypt

الهيئة القومية لسكك حديد مصر هتبدأ النهارده رسميًا، الاثنين 1 اكتوبر 2018، تفعيل خدمة حجز القطارات عن طريق تطبيق المحمول. والتطبيق اسمه “قطارات مصر” وفي السطور دي أهم 10 معلومات عن التطبيق:

1- هيتم تطبيق الخدمة على الوجهين القبلي والبحري.

2- التطبيق متاح لهواتف “أندرويد” بس. وهيتم تفعيله لباقي الأنظمة فيما بعد.

3- التطبيق هدفه تسهيل الحجز على المواطنين، وتخفيف الزحام على شباك التذاكر.

4- لو مش حابب تحجز من التطبيق ممكن تحجز عادي من شباك تذاكر المحطة

5- بيتم الحجز من خلال تنزيل التطبيق، وعمل حساب خاص للشخص. ببياناته ورقمه القومي.

6- الدخول على التطبيق للحجز بيكون من خلال حساب الراكب المسجل على التطبيق.

7- الحجز بيكون بموجب بطاقة ائتمانية صادرة من أي بنك.

8- بعد الحجز يقدر المواطن يروح لمقعده مباشرة.

9- خلال توجه المواطن للقطار، لازم يكون معاه بطاقته اللي حجز بها، والبطاقة الائتمانية.

10- في حالة عدم وجود أي من البطاقتين، هيتم تغريم الراكب ومحاسبته. باعتباره متهرب من دفع التذكرة.