Omar Abd-elmaqsoud
تقريبًا مفيش حد فينا ما يعرفش مين النجم المصري العالمي “محمد صلاح” أو “مو صلاح” وتقريبًا كمان مفيش حد فينا مش متابع محمد صلاح في كل تحركات حياته الكروية أو الشخصية حتى، ويمكن الفضل في ده بيرجع لوجود مواقع التواصل الاجتماعي أو “السوشال ميديا” .
ناس كتير الفترة اللي فاتت ركزت أكتر مع واحده من أهم مهارات “صلاح” الشخصية اللي بيتمتع بيها بعيدًا عن المستطيل الأخضر، واللي هي تواجده وتفاعله مع الجمهور والمعجبين على مواقع السوشال ميديا المختلفة.
تعالوا مع بعض نعرف “مو صلاح” أكتر على السوشال ميديا في 5 أرقام:
1) 7.8 مليون هو عدد متابعين صلاح على “تويتر“
2) 23 مليون هو عدد متابعين صلاح على “إنستجرام“
3) أكتر من 11 مليون هو عدد معجبين صلاح في صفحته الرسمية على “الفيس بوك“
4) صلاح نفسه بيتابع 144 حساب على “تويتر”: منهم في مجال الفن الفنانة أنغام، والفنانه اللبنانية نوال الزغبى، والممثلة التونسية هند صبرى، وشيرين عبد الوهاب، ومنى زكى.
ومنهم لاعبين عالميين زي النجم البرازيلى نيمار لاعب باريس سان جيرمان، وكوتينيو لاعب برشلونة وزميله السابق فى ليفربول، بالإضافة إلى عدد كبير من زملائه السابقين فى روما الإيطالى، على رأسهم الالمانى روديجر مدافع تشيلسى وستيفان الشعراوى وايدين دجيكو نجمى فريق العاصمة الإيطالية.
5) 176 هو عدد الحسابات اللي بيتابعها صلاح على “إنستجرام”: مابين شخصيات عامة ولعيبة كورة وفنانيين وصفحات فاشون وموضة.
ملحوظة: الأرقام دي لحد يوم 29 يناير 2019، وكل يوم المعجبين بصلاح في زيادة.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
