The Definitive Guide to Living in the Capital , Cairo , Egypt

هل سألت نفسك قبل كده مصر فيها كام مستخدم للإنترنت عن طريق المحمول؟ طيب فيه كام بيت في مصر عندهم إنترنت دي إس إل؟ في الموضوع ده هنعرفكم من خلال 7 أرقام كل حاجة عن علاقة المصريين بالإنترنت بحسب تقرير نشره موقع اليوم السابع.. يلا نشغل الراوتر!

 1 – مصر فيها  60.1مليون مستخدم للإنترنت عن طريق الهواتف الذكية بنسبة نمو شهري 0.74%، و20.65% سنويًا.

 2 – بلدنا فيها 3.21مليون مستخدم للإنترنت عن طريق اليو إس بي مودم، بنسبة نمو شهري 0.79%، وانخفاض سنوي بنسبة 1.23%.

 3 –  نسبة انتشار مستخدمي الإنترنت في مصر بتوصل لـ  57.3%وده بحسب استطلاع رسمي عن استخدامات الاتصالات وتكنولوجيا المعلومات في الأسر والأفراد.

 4 – مصر فيها  9.56 مليون مشترك في الإنترنت فائق السرعة ADSL بنسبة نمو شهري 0.64%، و17.57% سنويًا.

 5 – نسبة مستخدمي الإنترنت عن طريق المحمول من إجمالي مشتركي المحمول بتوصل لـ 59.63%  بنسبة انخفاض شهري 0.87%، ونمو سنوي بنسبة 7.5%..

 6 – بتحتل القاهرة الكبرى صدارة التوزيع الجغرافي لمشتركي الإنترنت فائق السرعة ADSL بنسبة 36%..

7 – بيتوزع استخدام خدمة ADSL بين 34% في الدلتا، و15 بمحافظات وجه قبلي، و10% في محافظة الإسكندرية ومحافظة مطروح، و5% بمدن القناة وسيناء والبحر الأحمر.