The Definitive Guide to Living in the Capital , Cairo , Egypt

الحياة في كايرو

قريبًا في مصر الجديدة… متحف جديد وتطوير مباني تراثية ومدرج غرناطة هيبقى مسرح مكشوف

ترام سينما بلاس غرناطة متحف مترو مدرج مسرح مصر الجديدة
قريبًا في مصر الجديدة… متحف جديد وتطوير مباني تراثية ومدرج غرناطة هيبقى مسرح مكشوف
بواسطة
Cairo 360

الصورة الرئيسية تصوير ميشيل حنا

مصر الجديدة واحدة من أجمل المناطق في القاهرة.. فيها مباني تاريخية.. وأماكن كتير تستحق الزيارة.. علشان كده جميل إن الحكومة تقرر الاهتمام بالمنطقة المهمة دي وتحاول تطورها علشان تفضل مميزة دايمًا.

ومؤخرًا صرح المهندس إبراهيم صابر، رئيس حي مصر الجديدة، إن الحي بيشتغل على ترميم المباني الأثرية. والمباني ذات التراث المعماري. والهدف النهائي إن الجمال والأصالة يرجعوا تاني لحي مصر الجديدة.

كمان بيتم حاليًا ترميم مبنى مدينة غرناطة، وتطوير المدرج اللي هناك علشان هيتحول لمسرح مكشوف.

مش بس كده، ده كمان تم الانتهاء تقريبًا من تطوير مباني ميدان الاسماعيلية التراثية. وبيتم التجهيز لإنشاء متحف مفتوح لمترو مصر الجديدة. ده غير ترميم مبنى ملاهي أدهم، ومبنى جروبي، وواجهة سينما بالاس.

طيب مين هيدفع تكلفة التطويرات دي؟ بحسب المهندس إبراهيم صابر تكلفة الترميم بالكامل من المشاراكات المجتمعية. من غير تحميل المحافظة أي تكاليف.

مقترح