The Definitive Guide to Living in the Capital , Cairo , Egypt

مصدر الصورة

مرسى مطروح من الأماكن الجميلة في مصر، واللي كتير مننا بيحبوا يسافروا لها في الصيف علشان يستمتعوا ببحرها الجميل وجوها المميز، وده مش من النهارده، ده من زمان قوي، ومش هننسى أبدًا إن الفنانة الراحلة ليلى مراد كان لها أغاني جميلة لها على شواطيء مرسى مطروح.

ومؤخرًا، قامت هيئة السكة الحديد بتشغيل قطار جديد على خط القاهرة – محرم بك – مطروح، وده ضمن القطارات الصيفية اللي بيتم تشغيلها لخدمة جمهور الركاب اللي بيحبوا يقضوا الإجازة الصيفية في مرسى مطروح.

وبسبب توقعها للإقبال الشديد علي مرسي مطروح في صيف 2022، أعلنت هيئة السكة الحديد عن تشغيل 8 قطارات، بتشمل 4 قطارات مكيفة و4 نوم، وكلهم بين القاهرة ومرسى مطروح، اعتبارًا من شهر يونيو عام 2022.

تعالوا نعرف مواعيد انطلاق القطارات من القاهرة لمرسي مطروح، وأسهل وسائل حجز تذاكر القطارات، وكمان أسعارها.

مواعيد قطارات القاهرة – مرسي مطروح

– قطار رقم 939 مكيف من القاهرة في تمام الساعة 5:45 صباحًا وبيوصل محرم بيك في تمام الساعة 8:50 صباحًا، وبعدها بيتوجه لمرسي مطروح وبيوصل في تمام الساعة 13.30 مساءً.

– قطار مكيف نوم رقم 773 من القاهرة في تمام الساعة 23.30 مساءً وبيوصل محرم بيك في تمام الساعة 2:40 صباحًا، وبيتجه لمدينة مرسي مطروح وبيوصل في تمام الساعة 6:35 صباحًا.

 

مواعيد قطارات مرسي مطروح – القاهرة

– قطار مكيف رقم 943 من مدينة مرسي مطروح في تمام الساعة 03.15 مساءً وبيوصل للقاهرة في تمام الساعة 1:00 صباحًا.

– قطار مكيف نوم رقم 755، من مدينة مرسي مطروح في تمام الساعة 22:00 مساءً، وبيوصل للقاهرة في تمام الساعة 5.40 صباحًا.

 

سعر تذكرة قطار القاهرة – مطروح

سعر تذكرة القطار المتوجه من القاهرة إلى مطروح حوالي 150 جنيه لمسافة 503 كيلومترات.

 

وسائل حجز تذاكر القطارات

1ـ شبابيك حجز التذاكر بالمحطات وعددها 196 شباك مكيف و97 شباك مميز.

2ـ مكاتب الحجز الخارجية للقطارات وعددها 33 مكتب موزعة بالهيئات القضائية والنوادى والجامعات.

3ـ حجز التذاكر بواسطة ماكينة صرف التذاكر الذاتية TVM الموجودة بمحطات القاهرة.

4ـ الحجز بماكينات التذاكر المحمولة بالقطارات ودفاتر المتحصلات الموجودة مع الكمسارية داخل القطارات وعلى مداخل المحطات.

5ـ الحجز عن طريق الموقع الإلكتروني لهيئة السكة الحديد على شبكة الإنترنت من هنا.