قناة أم أحمد: أول طباخة من الصعيد الجواني على اليوتيوب
أكلات صعيدية أم أحمد أول طباخة صعيدية طبخ قصة أم أحمد الصعيدية
Nagla Ashraf
كل شوية يطلع Influencer بشكل جديد بيقدم لنا على السوشيال ميديا يا إما أكلة أو لبس أو مطعم، ولكن بصورة نمطية متكررة عن الحياة من وجهة نظره، لكن أول مرة نشوف واحدة ست من الصعيد بتعمل أكلات وتنشر طريقة عملها على قناة يوتيوب باسمها “قناة أم أحمد” اللي وصل عدد المتابعين ليها حاليًا حوالي 20 ألف.
” السلام عليكم يا حبايب.. إن شاء الله تكونوا كويسين أنتم وحبيابكم وناسكم وكل اللي ليكم في الدنيا .. ربنا يديكم الخير والعافية والصحة والسعادة والهنا.. ربنا يسعدكم ويسعد أيامكم” بتبدأ أم أحمد الست الصعيدية البسيطة الفيديو بتاعها دايمًا بالدعاء للمتابعين.
وبتدخلنا أم أحمد عالم بسيط ودافي مع صوت الحمام اللي في بيتها وولادها الثلاثة اللي بتربيهم عن طريق الطبخ بعد وفاة جوزها، الفيديوهات مش بتبين وشها مجرد إيديها مع مكونات الأكلة.
الجميل إن المطبخ البسيط ده بيفكرنا ببيوتنا زمان مع الحلل النحاس، والطاسات البسطة والدجداج اللي طلع أنه الهراسة، وعملت فيديو مخصوص بتوري فيه جمهورها المطبخ والأدوات اللي بتستخدمها وتقدروا تشوفوه هنا:
ده غير طرق تربية الطيور وتنظيفها وأسعار الخضروات بمساعدة بنتها اللي لسه عندها 12 سنة بس وهي اللي كانت صاحبة فكرة قناة اليوتيوب، وساعات كتير بتطبخ مع أم أحمد.
فيديوهات أم أحمد فيها طابع من الحنين للماضي والعادات والتقاليد والأكلات التقليدية اللي قربت تختفي، هي مش بس بتقدم فيديوهات بأكلات مختلفة عن أكل دلوقتي السريع لكن بتقربنا لبيت مصري أصيل مليان دفاء وقلوب نضيفة بتطبخ أكل تاكل صوابعك واره.
طريقة عمل العدس الصعيدي:
طريقة عمل الملوخية:
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
