The Definitive Guide to Living in the Capital , Cairo , Egypt

الحياة في كايرو

كريم “Assist”… خدمة جديدة لذوي الاحتياجات الخاصة في مصر

أبطال الإرادة الإسكندرية تطبيق كريم حياة أسهل خدمات جديدة خدمة مميزة ذوي الإعاقة شركة كريم كريم
كريم “Assist”… خدمة جديدة لذوي الاحتياجات الخاصة في مصر
بواسطة
Cairo 360

دول متقدمة كتير بتهتم بذوي الاحتياجات الخاصة وبتحاول تسهل حياتهم وتتعامل معاهم بمنطلق إن من حقهم يستمتعوا بكل حاجة في المجتمع من غير صعوبات، يمكن الأمر مختلف شوية في مصر، الاهتمام بذوي الاحتياجات الخاصة أقل من دول تانية، لكن مؤخراً حصلت حاجة إيجابية كان لازم نلقي الضوء عليها..

اللي حصل هو إن شركة النقل التشاركي “كريم”، أطلقت خدمة “Assist” الجديدة في التطبيق الخاص بيها، لخدمة الاشخاص ذوي الاعاقة الحركية، بمحافظة الإسكندرية.

وعلشان الخدمة الجديدة تتم بنجاح، “كريم” -بالتعاون مع المحافظة- هيئت الأرصفة والشوارع بإضافة منحدرات على الأرصفة، واللي بتسهل صعود الكراسي المتحركة من وإلى الشارع، ودي بتتواجد في أماكن حيوية، زي إشارات عبور المشاة على الطرق، وخصوصاً عند الشواطيء، حيث تم بناء ممشى على شاطيء بحر”المندرة”، بهدف تمكين مستخدمي الكراسي المتحركة من الحركة بشكل أكثر سهولة وحرية.

وبيقول وائل ابو العلا، الرئيس التنفيذي لـ”كريم مصر”: ” عدد ذوي الإرادة في محافظة الإسكندرية بيوصل لـ 300 ألف مواطن ، وده معناه إنهم شريحة كبيرة من سكان المحافظة، وإحنا بنؤمن بأهمية العمل على تسهيل الحياة ليهم بشكل يحقق مزيد من السهولة في الانتقال كحق اصيل ليهم”.

كمان قال هيثم نصار، مديرعام كريم اسكندرية، “إن “كريم” قدمت من خلال هذه المبادرة عدد من العربيات المجهزة مخصوص لمتطلبات ذوي الإرادة من اصحاب الاعاقة الحركية، وهيتم توفير العربيات دي من خلال شركة متخصصة في تجهيز النوع ده من السيارات، وليها خبرة واسعة في المجال ده”.

تحية لكل شركة بتفكر في ذوي الاحتياجات الخاصة وبتحاول تسهل حياتهم.. وفي كايرو 360 بنتمنى قريب نشوف الخدمة دي في القاهرة.

مقترح