The Definitive Guide to Living in the Capital , Cairo , Egypt

الرحمة بالإنسان من أسمى المشاعر اللي بتخلي الحياة جميلة، وفي الدول المتقدمة بيتم التعامل مع الصم والبكم باعتبارهم مواطنين عاديين جدًا، وبيتم توفير سبل الراحة ليهم، لكن للأسف في مصر تعاملنا بمسئولية مع الفئة دي اتأخر قوي.

علشان كدة فرحنا جدًا لما عرفنا إن محافظة القاهرة قررت أخيرًا تديهم حقهم، ولأول مرة من منطلق إن المواطنين فاقدي السمع أو النطق أو أصحاب القدرات الخاصة بقوا جزء من اهتمام الدولة، باعتبار إن عام 2018 هو عام ذوي القدارات الخاصة، فقررت الحكومة عمل تدريب للموظفين لتعليمهم لغة الصم والبكم بالتعاون من إحدى جمعيات المجتمع المدني.

والبداية هتكون في منطقة الوايلي، وبعد كدة هيتم تعميم التجربة دي في أماكن كتير في القاهرة وباقي المحافظات.

وأكد عمرو فكرى، رئيس حى الوايلى، إنه بيتم حاليًا إعداد دورة لتعليم عدد من موظفى حى الوايلى لغة الإشارة، علشان يقدروا يتعاملوا مع ذوي الاحتياجات الخاصة، ةالفكرة دي الهدف منها خدمة المواطنين وتسهيل كل الإجراءات الخاصة بالفئة دي.