لتسهيل حركة متحدي الإعاقة.. مشروع جديد لتطوير أرصفة شوارع القاهرة
تطوير أرصفة القاهرة تعديل أرصفة شوارع القاهرة ذوي الإعاقة ذوي الاحتياجات الخاصة متحدي الإعاقة
Mohamed Talaat
القاهرة بتشهد في الفترة الأخيرة مجموعة ضخمة من المشاريع المهمة، وأحدث المشاريع اللي بتنفذها العاصمة المصرية مؤخرًا خاصة بتطوير أرصفة شوارع القاهرة، علشان تكون مناسبة أكتر لحركة متحدي الإعاقة، تعالوا نعرف تفاصيل المشروع ده.
“إتاحة أرصفة القاهرة للأشخاص متحدي الإعاقة”، ده اسم المبادرة الجديدة اللي بتقوم بيها وزارة التنمية المحلية بالتعاون مع محافظة القاهرة وبنك الإسكان والتعمير ومؤسسة مصر الخير، والهدف منها هو تسهيل حركة متحدي الإعاقة في شوارع مصر، واللي كانت الشوارع لحد وقت قريب مش مرحبة بيهم بسبب الصعوبات اللي بيواجهوها فيها.
المبادرة الجديدة دخلت حيز التنفيذ بالفعل، والبداية هتكون في 28 شارع بمنطقة المعادي بمحافظة القاهرة لتسهيل السير والحركة لمتحدي الإعاقة وممارسة كافة أنشطتهم الحياتية ودمجهم بشكل إيجابي في المجتمع .
شارك في المبادرة لجنة بتضم ممثلين من المجلس القومي لشئون الإعاقة، علشان يقوموا بنفسهم بمعاينة شوارع المعادي اللي هتشهد تنفيذ المبادرة، لتحديد الاحتياجات اللازمة لتطوير الأرصفة وتمهيدها علشان تناسب ذوي الاحتياجات الخاصة.
وبتتضمن المبادرة توفير الإشارات واللافتات بالشوارع اللي بتوضح الرمز الاسترشادي الخاص للأشخاص من ذوي الاحتياجات الخاصة، وإن الأرصفة تكون مريحة بالنسبة لحركة متحدي الإعاقة.
بنتمنى نشوف المشروع العظيم ده في كل الشوارع المصرية.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
