The Definitive Guide to Living in the Capital , Cairo , Egypt

الزحمة على شبابيك التذاكر في مترو الأنفاق وصلت لمرحلة متعبة جدًا، وعلشان كده هيئة مترو الأنفاق فكرت في طريقة جديدة علشان تقلل الزحمة دي، وكانت من ضمن الحلول أنهم يتجهوا لماكينات الـVTM، ودي ماكينة تقدروا من خلالها تشتروا تذاكر المترو بشكل آلي بدون اللجوء لموظف التذاكر في محطات المترو، وفي السطور الجاية هنقولكم على كل التفاصيل اللي محتاجين تعرفوها عن الماكينة دي واستخدامها.

ماكينة الـVTM هتتعمم على كل محطات المترو وكمان في محطات السكة الحديد في القاهرة الكبرى، وهتكون متاحة في بعض النوادي كمان، والفئات المتوفرة هتكون بسعر 5 و7 و10 جنيه، وطبعًا الاختيار بيكون طبقًا لعدد المحطات اللي هتستخدموها.

وعلشان تستخدموا الماكينة اللي هتكون منتشرة مع بداية 2020 هتختاروا الفئة اللي محتاجينها من التذاكر، وتدخلوا الفلوس في المكان المخصص أسفل الشاشة، والتذكرة هتخرج من يسار الماكينة، ولو لكم باقي فلوس هتاخدها من نفس المكان اللي دخلت منه الفلوس.

ماكينة VTM بتقبل العملات المعدنية، وكمان تقدروا من خلالها تسددوا اشتراكاتكم الشهرية، وفيه مكان مخصص فيها بيستقبل البطاقة علشان تعرف رصيدك وتدخلوا المبلغ اللي عاوزين تشحنوا بيه الاشتراك، وبيتكتب لكم على الشاشة بعد الشحن الرصيد المتاح في حسابكم.