للمرة الخامسة.. “ناسا” تختار القاهرة لاستضافة “المسابقة العالمية لتطبيقات الفضاء”
NASA الجامعة الأمريكية الجمعیة العلمیة لمهندسين الكهرباء والإلكترونیات المسابقة العالمية "الهاكاثون" لتطبيقات الفضاء فاروق الباز ناسا وكالة الفضاء الأمريكية
Omar Abd-elmaqsoud
اختارت وكالة الفضاء الأمريكية “ناسا” القاهرة كواحدة من المواقع المثالیة لفریق المنظمة العالمیة، وبناءً عليه، هتستضيف القاهرة للمرة الخامسة على التوالي المسابقة العالمية “الهاكاثون” لتطبيقات الفضاء، أيام 18 و19 أكتوبر 2019 وهي مسابقة عالمية تابعة لوكالة الفضاء الأمريكية “ناسا” وهتقام في الجامعة الأمريكية وتحت رعاية السفارة الأمريكية وبتنظيم من رابطة الشباب في الجمعیة العلمیة لمهندسين الكهرباء والإلكترونیات في مصر (IEEE Young Professionals).
المسابقة دي تعتبر واحدة من أنشطة قسم علوم الأرض التابع لوكالة ناسا، وتعتبر حدث تكنولوجي مهم، لإنه بيبرز مواهب علمية كتيرة، ده غير إنه بيعتمد على المبادرة من المتطوعین، وبیشترك فی المسابقة دي آلاف المشتركين سنوًیا من جمیع أنحاء العالم.
إنك تشتغل وتساهم مع وكالة ناسا في اختراع وبناء حلول مبتكرة للتحدیات اللي بنواجهها مش بس على كوكبنا لأ وكمان في الفضاء، وهو ده تحديدًا هدف المسابقة،ده غير إنها بتعتمد على الابتكار، وبتقدم أفكار بتحاول تساهم في تغیير المفاهیم، ومحاولة للتفكیر واستكشاف الفضاء وإيجاد طرق لتحسین الحیاة على الأرض في المستقبل.
وطالما هنتكلم على الفضاء، يبقى لازم نتكلم عن الدكتور “فاروق الباز” اللي أكد على أهمية المسابقة دي، وقد إيه تعتبر واحدة من أعظم الأحداث اللي ممكن مصر تستضیفها؛ خاصةً وإننا بنشارك فيها من سنة 2015، وكسبنا “كأس التميز” سنة 2016 بعد مشاركتنا بأكبر عدد من المبدعين في العالم.
لو عايزين تعرفوا معلومات أكتر عن المسابقة، ممكن تزوروا موقعهم الإلكتروني من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
